پنجاب بھر میں میٹرک اور انٹر میڈیٹ کے امتحانات کا شیڈول جاری

تفصیلات کے مطابق  میٹرک اور انٹرمیڈیٹ کے امتحانات کا شیڈول تیار کرلیا گیا، پہلے مرحلے میں 12ویں اور10ویں جماعت کے امتحانات ہوں گے۔10جولائی سے12ویں جماعت کے امتحانات کا آغاز ہوگا،12ویں جماعت کے امتحانات 9دن میں مکمل ہوں گے۔

10ویں جماعت کے امتحانات کا آغاز 29 جولائی سے ہوگا، 10ویں جماعت کے امتحانات 10دن میں مکمل کیے جائیں گے۔

دوسرے مرحلے میں 9ویں اور 11ویں جماعت کے امتحانات ہوں گے۔ 12اگست سے 11ویں جماعت کے امتحانات کا آغاز ہوگا جبکہ 9ویں جماعت کے امتحانات 28 اگست سے شروع ہوں گے۔

چنددن قبل  سندھ بھی میٹرک اور انٹرمیڈیٹ کے امتحانات کا شیڈول جاری کر چکا ہے۔ محکمہ تعلیم سندھ کی جانب سے جاری نوٹیفکیشن کے مطابق انٹر میڈیٹ کے امتحانات 26 جولائی سے لیے جائیں گے۔

 نوٹیفکیشن کے مطابق دسویں جماعت کے امتحانات 5 جولائی سے لیے جائیں گے۔ رواں سال صرف اختیاری مضامین کا امتحان لیا جائے گا۔

جاری نوٹیفکیشن کے مطابق امتحانات پڑھائے گئے 60 فیصد سلیبس کے تحت لیا جائے گا۔ پیپرز کا دورانیہ 2 گھنٹے ہوگا، رواں سال پریکٹیکلز نہیں لیے جائیں گے۔