اب روبوٹ مسجد الحرام اور مسجد نبوی ؐ میں آب زم زم پیش کریں گے

غیر ملکی خبر رساں ادارے    کے مطابق عالمی وبا کورونا کے خلاف اقدامات کے پیش نظر مسجد الحرام اور مسجد نبویؐ میں آنے والے زائرین کے لیے اسمارٹ روبوٹ متعارف کروادیے گئے۔ مسجد الحرام اور مسجد نبویؐ کے صدر جنرل افیئر شیخ ڈاکٹر عبد الرحمان السدیس نےہفتے کو  اسمارٹ روبوٹ کا افتتاح کیا تھا  جو  مسجد الحرام اور مسجد نبویؐ میں آنے والے  زائرین کو  آب زم زم کی بوتلیں تقسیم کریں گے۔

Zamzam water robot introduced in Masjid Al Haram, Makkah pic.twitter.com/tCsRjBglkw

— Haramain Sharifain (@hsharifain) June 13, 2021

افتتاح کے معوقع پر مسجد الحرام اور مسجد نبویؐ کے صدر عبدالرحمان السدیس نے  کورونا وباء کے دوران  انسانیت کی خدمت کیلئے جدید ٹیکنالوجی کو بروئے کار لانے کی اہمیت پر زور دیا۔اسمارٹ روبوٹ    مسجد الحرام اور مسجد نبویؐ میں  انسانی مداخلت اور نقل وحرکت متاثر کیے بغیر زائرین میں آب زم زم پیش کریں گے۔

واضح  رہے کہ اس سے قبل سعودی  عرب کی جانب سے  رواں سال حج سے متعلق بھی اہم اعلان سامنے آچکا ہے۔سعودی اعلان کے مطابق  رواں برس صرف 60 ہزار افراد کو حج کرنے کی اجازت ہوگی اور ان تمام افراد میں سعودی عرب کے شہری اور ملک میں رہنے والے غیر ملکی شامل ہوں گے۔