بیوٹی سیلونز پر ٹیکس ختم کرنے سے خواتین خوش ہوں گی،فردوس عاشق عوان

معاون خصوصی اطلاعات پنجاب فردوس عاشق اعوان   نے میڈیا سے  گفتگو کرتے ہوئے کہا کہ  پنجاب اسمبلی کی نئی بلڈنگ کی تکمیل  کے سفر میں چوہدری  پرویز الہی  ہم سفر رہے، یہ وہ سفر تھا   جو2005  میں شروع ہوا، عوامی نمائندوں نے  عوام کی تقدیر بدلنے کیلئے بجٹ  پیش کیا، یہ پنجاب اسمبلی   صوبے کے حقوق کی نگہبان بنے گی، اسمبلی کے اندر  حکومت  عوام   دوست پالیسی لیکر آئی ہے ،  اس چھت کے نیچے  عوام کو ریلیف فراہم کرنے کی جدوجہد کی جائے گی۔

فردوس عاشق اعوان  نے کہا کہ  بیوٹی سیلونز پر ٹیکس ختم کرنے سے خواتین خوش ہوں گی، خواتین خوش ہونگی تو گھر کا ماحول اچھا ہوگا،گھر کی منسٹر خواتین ہوتی ہیں اس لئےبجٹ میں ان کاخاص خیال رکھا ہے۔

خیال رہے کہ   بجٹ سیشن سے خطاب کرتے ہوئے  وزیر خزانہ ہاشم جواں بحت کا کہنا تھا  کہ بیوٹی پارلرز، فیشن ڈیزائنزز، ہوم شیفس ، آرکیٹیکٹ، لانڈریز اور ڈرائی کلینرز، سپلا ئی آف مشینری، وئیر ہاوس، ڈریس ڈیزائنرز اور رینٹل بلڈوزر کی سروسز پر سیلز ٹیکس کو16%سے کم کرکے 5%کرنے کی تجاویز دی گئی ہے۔