سندھ حکومت کا تعلیم کے فروغ کیلئے احسن اقدام

بجٹ سیشن سے خطاب کرتے ہوئے  وزیراعلیٰ سندھ سید مراد علی شاہ نے کہا ہے کہ  رواں مالی سال 21-2020ء میں تعلیم کے شعبے کیلئے 21.1بلین روپے مختص کئے گئے تھے ، شعبہ تعلیم میں پبلک پرائیویٹ پارٹنرشپ کے فروغ کے ضمن میں سندھ ایجوکیشن فاؤنڈیشن، حکومت سندھ کا ایک اہم بازو ہے ۔

مراد علی شاہ نے کہا کہ  ایس ای ایف صوبے  بھرکے 1800اسکولوں اورمراکز میں 475000طالبعلموں کا حامل ہے،  رواں مالی سال میں 100اسکول اپ گریڈ کئے گئے ہیں تاکہ پرائمری سے آگے کی تعلیم (ایلیمنٹری اور سیکنڈری) فراہم کی جاسکے،  اندازہ لگایا گیا ہے کہ 10000 سے زائد طالبعلم بالخصوص لڑکیاں  اس عمودی توسیع سے مستفید ہوں گی اور  نئے تعلیمی سال کے آغاز پر 240000 طالبعلم مزید بڑھ جائیں گے ۔

وزیراعلیٰ سندھ سید مراد علی شاہ کا کہنا تھا کہ ہمارا ارادہ ہے کہ سندھ ایجوکیشن فاؤنڈیشن  کو نئے مالی سال میں 10.75بلین روپے مہیا کیے جائیں ، نئے  مالی سال 22-2021ء کیلئے کالج ایجوکیشن کا بجٹ 11.8فیصد اضافے کے ساتھ   22.8بلین روپے کیاجارہا ہے، رواں مالی سال 21-2020ء میں 20.446بلین روپے کالج ایجوکیشن کا بجٹ تھا۔