یہ فارم 47 کی حکومت کچھ نہیں کر سکتی، عمر ایوب

اپوزیشن لیڈر قومی اسمبلی عمر ایوب نے کہا ہے کہ یہ فارم 47 کی حکومت کچھ نہیں کر سکتی، ہماری کسی سے کوئی ڈیل نہیں چل رہی، 2024 الیکشن کا سال ہے۔

انسداد دہشت گردی عدالت پیشی کے موقع پر میڈیا سے گفتگو کرتے ہوئے عمر ایوب کا کہنا تھا کہ ملک کو اس بھنور سے مضبوط وزیر اعظم ہی نکال سکتا ہے، جس شخص کی تنخواہ 20 یا 25 ہزار روپے ہے وہ کیسے گزارا کرے۔

اپوزیشن لیڈر کا کہنا تھا کہ آئین کے مطابق سیاستدان سیاست کریں، آئین کے آرٹیکل 7 کے مطابق ریاست مجلس شوری ہے۔عوام اور فوج کے درمیان مسلم لیگ ن اور پی پی پی خلا بنا رہی ہے۔

انہوں نے کہا کہ الیکشن کمیشن کو آزاد ہونا چاہیے، یہ الیکشن کا سال ہے، ، یہ فارم 47 کی حکومت کچھ نہیں کر سکتی۔ کل بجلی کی قیمت میں اڑھائی روپے یونٹ اضافہ ہوا ہے ۔