نوجوانوں کے عالمی دن پر وزیر اعظم نے نوجوانوں سے متعلق منصوبوں کا افتتاح کردیا

وزیر اعظم شہبازشریف نے آج نوجوانوں کیلئے کامن ویلتھ ایشیایوتھ الائنس سیکرٹریٹ ، ڈیجیٹل لرننگ پورٹل، نوجوانوں کے پروگرام کیلئے مصنوعی ، ذہانت ، سمارٹ یوتھ سمارٹ پاکستان اورقومی رضاکار کور سمیت مختلف اقدامات کا افتتاح کیا ہے ۔

انہوں نے ان اقدامات کا افتتاح آج (پیر) کو اسلام آباد میں ایک تقریب میں کیا ۔

دولت مشترکہ سیکرٹریٹ اورانٹیل کارپوریشن نے مختلف خودکار ماڈیولز کیلئے مصنوعی ذہانت متعارف کرانے کیلئے معاونت کی ہے اسی طرح انٹرمیڈیٹ کی سطح کے ہونہار طلبا کو دس لاکھ  ٹیبز اور سمارٹ فونز میرٹ پر دئیے جائیںگے ۔

وزیراعظم نے ملک بھر میں قومی رضا کار کور میں اندراج کا عمل بھی شروع کردیا ہے اور وہ اس اقدام کے پہلے رضا کار بن گئے ہیں۔

شہبازشریف نے اس موقع پر گفتگو کرتے ہوئے ملک کے نوجوانوں کیلئے تمام ممکنہ وسائل بروئے کار لانے کا عزم ظاہر کیا تاکہ وہ پاکستان کو ترقی یافتہ اورخوشحال ملک بنانے میں اپنا کردارادا کرسکیں۔

انہوں نے یقین ظاہر کیا کہ پاکستان کے نوجوان ملک کو ترقی اور خوشحالی کی راہ پرگامزن کرنے کی صلاحیت رکھتے ہیں ۔

قومی ہاکی ٹیم کے کپتان کی جانب سے اٹھائے گئے ایک نکتے کے جواب میں وزیراعظم نے کہاکہ ملک میں قومی کھیل کی بحالی کیلئے کوئی کسر اٹھا نہ رکھی جائے گی۔