اپوزیشن کا اتحاد مضبوط، حکومت کو ٹف ٹائم دینے کا فیصلہ

اسلام آباد: وفاقی دارالحکومت میں اپوزیشن جماعتوں کا اہم اجلاس ہوا جس میں حکومت کو ٹف ٹائم دینے پر اتفاق کیا گیا ہے۔ اجلاس میں جے یو آئی، پی ٹی آئی، جماعت اسلامی ، پختونخوا ملی عوامی پارٹی اور بی این پی مینگل سمیت دیگر جماعتوں کے نمائندے شریک ہوئے۔

اجلاس میں ملک کی مجموعی سیاسی صورتحال اور اپوزیشن جماعتوں کی مشترکہ حکمت عملی پر تفصیلی گفتگو ہوئی۔ شرکاء نے اتفاق کیا کہ حکومت سے نہ مہنگائی کم ہوئی، نہ بدامنی ختم ہوئی اور نہ ہی معیشت سنبھلی۔ موجودہ حکومت کے تمام وعدے پورے نہ ہونے پر اپوزیشن کا اتحاد مزید مضبوط بنانے کا فیصلہ کیا گیا ہے۔

اجلاس میں اپوزیشن اتحاد کے ایجنڈے کو حتمی شکل دینے پر اتفاق ہوا اور چند نکاتی ایجنڈا تیار کر کے حکومت کو ٹف ٹائم دینے کی بھی تیاری کا فیصلہ کیا گیا۔

پی ٹی آئی رہنما اسد قیصر نے کہا کہ مولانا فضل الرحمان بھی ایک ساتھ چلنے کے لیے راضی ہو گئے ہیں۔اجلاس کا تفصیلی ایجنڈا بعد میں جاری کریں گے۔