پاکستان
وزیر اعظم کو حکومتی اخراجات میں کمی کے لیے ایک لاکھ 50 ہزار اسامیاں ختم کرنے کی سفارش
ہماری ترجیح سرکاری اخراجات کو کم کرکے عوامی خدمات کے معیار کو بڑھاتے ہوئے قومی خزانے پر پڑنے والے بوجھ کو کم کرنا ہے، شہباز شریف
![وزیر اعظم کو حکومتی اخراجات میں کمی کے لیے ایک لاکھ 50 ہزار اسامیاں ختم کرنے کی سفارش](/media/115068/conversions/PM-Shehbaz-Sharif-profile-picture-1000x600-1280x720.jpg)
وزیر اعظم محمد شہباز شریف کو حکومتی اخراجات میں کمی کے لیے قائم کمیٹی نے ڈیڑھ لاکھ خالی اسامیاں ختم کرنے کی سفارش کر دی۔
یہ فیصلہ وزیر اعظم شہباز شریف کی سربراہی میں ہونے والے اعلیٰ سطحی اجلاس سے سامنے آیا، جس میں حکومتی ڈھانچے کو کم کرنے اور آپریشنل اخراجات میں کمی پر بات چیت ہوئی۔
اجلاس میں وزیراعظم شہباز شریف نے حکومتی اخراجات کو کم کرنے کی فوری ضرورت پر زور دیا۔ انہوں نے کہا کہ ہماری ترجیح سرکاری اخراجات کو کم کرکے عوامی خدمات کے معیار کو بڑھاتے ہوئے قومی خزانے پر پڑنے والے بوجھ کو کم کرنا ہے، مزید ناقص کارکردگی کا مظاہرہ کرنے والے ادارے جو کہ قومی وسائل پر قابض ہیں انہیں یا تو تحلیل کیا جائے یا فوری طور پر نجکاری کی جائے۔
اس کے علاوہ وزیراعظم نے چھوٹے اور درمیانے درجے کے کاروباروں کی حمایت میں گہری دلچسپی کا اظہار کرتے ہوئے کہا کہ وہ سمال اینڈ میڈیم انٹرپرائزز ڈویلپمنٹ اتھارٹی (سمیڈا) کے آپریشنز کی ذاتی طور پر نگرانی کریں گے۔
اجلاس میں وفاقی حکومت کی رائیٹ سائزنگ کے حوالے سے وفاقی وزیر خزانہ کی سربراہی میں بنائی گئی کمیٹی نے تجاویز پیش کیں۔ کمیٹی نے ایک لاکھ پچاس ہزار کے قریب خالی اسامیاں ختم کرنے، نان کور سروسز اور عام نوعیت کے کاموں مثلاً صفائی اور جینیٹورئل سروسز کو آؤٹ سورس کرنے کی سفارش کی جس کے نتیجے گریڈ 1 سے 16 تک کی متعدد آسامیاں بتدریج ختم کی جا سکیں گی۔
کمیٹی نے ہنگامی بنیادوں پر بھرتیوں پر مکمل پابندی عائد کرنے کی اور وزارتوں کے کیش بیلنسز پر وزارت خزانہ کی نگرانی کی سفارش بھی کی۔اجلاس میں پانچ وفاقی وزارتوں میں اصلاحات کے حوالے سے سفارشات پیش کی گئیں۔ وزارت امور کشمیر و گلگت بلتستان، وزارت سرحدی امور، وزارت انفارمیشن ٹیکنالوجی و ٹیلی کمیونی کیشن ، وزارت صنعت و پیداوار اور وزارت قومی صحت میں اصلاحات کے حوالے سے بریفنگ دی گئی۔
وزارت امور کشمیر و گلگت بلتستان اور وزارت سرحدی امور کو ضم کرنے کی تجویز دی گئی۔ اول الذکر پانچ وزارتوں میں 28 اداروں کو مکمل بند کیے جانے، نجکاری اور دوسری وزارتوں/وفاقی اکائیوں کو منتقل کیے جانے کی تجویز دی گئی۔ ان پانچ وزارتوں میں 12 اداروں کو ضم کیے جانے کی تجویز ہے۔
وزیراعظم نے ہدایت کی کہ ان مجوزہ اصلاحات کی منظوری وفاقی کابینہ سے لی جائے۔ انہوں نے ان اصلاحات کے نفاذ کا جامع پلان بھی پیش کرنے کی بھی ہدایت کی۔
تجارت
حکومت کا یوٹیلٹی سٹورز بند کرنے کا فیصلہ ظالمانہ ہے ، شازیہ مری
انہوں نے مزید کہا موجودہ مہنگائی میں یوٹیلٹی سٹورز کو بند کرنے کا فیصلہ غیر مناسب اور ظالمانہ ہے، عوام کی ضروریات کے پیش نظر قائد عوام شہید ذوالفقار علی بھٹو نے 50سال قبل یوٹیلیٹی سٹورز کارپوریشن قائم کی
![حکومت کا یوٹیلٹی سٹورز بند کرنے کا فیصلہ ظالمانہ ہے ، شازیہ مری](/media/116283/conversions/1384678_9641910_Shazia-Marri_updates-1280x720.jpg)
مرکزی ترجمان پی پی پی شازیہ مری کا کہنا ہے موجودہ مہنگائی میں یوٹیلٹی اسٹورز کو بند کرنے کا فیصلہ غیر مناسب اور ظالمانہ ہے۔
تفصیلات کے مطابق شازیہ مری نے کہا ہے حکومت کا یوٹیلیٹی سٹورز بند کرنے کا فیصلہ ظالمانہ اور انتہائی افسوسناک ہے، ایسے فیصلے کرنے سے پہلے غور و فکر ،بحث اور عوامی مشکلات کو سمجھنے کی ضرورت ہوتی ہے، ملک کے لوگوں کو سستی اشیاء خوردونوش فراہم کرنے کیلے ریلیف کا کوئی اور ادارہ نہیں ہے ۔
انہوں نے مزید کہا موجودہ مہنگائی میں یوٹیلٹی سٹورز کو بند کرنے کا فیصلہ غیر مناسب اور ظالمانہ ہے، عوام کی ضروریات کے پیش نظر قائد عوام شہید ذوالفقار علی بھٹو نے 50سال قبل یوٹیلیٹی سٹورز کارپوریشن قائم کی ۔
انہوں نے کہا کہ اگر حکومت واقعی عوام کی خدمت کرنا چاہتی ہے تو اس فیصلے کو فوری طور پرواپس لے۔
ٹیکنالوجی
آئی فون 16 سیریز کی ڈیوائسز کی تاریخ رونمائی کا اعلان
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے
![آئی فون 16 سیریز کی ڈیوائسز کی تاریخ رونمائی کا اعلان](/media/116267/conversions/377156_6924597_updates-1280x720.jpg)
سمارٹ فونز بنانے والی کمپنی ایپل نے آئی فون 16 سیریز کی ڈیوائسز کی تاریخ رونمائی کا اعلان کر دیا ہے۔
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے،اسی وجہ سے ہر سال دنیا میں کروڑوں لوگ نئے آئی فونز کی لانچنگ کا بے صبری سے انتظار کرتے رہتےہیں۔
اس سال 2024میں ایپل کی طرف سےآئی فون16سیریز کو متعارف کیا جانا ہےاور اب اسکی ممکنہ تاریخ سامنے آگئی ہے،عالمی میڈیا کے مطابق ایپل کے نئے آئی فونز 9 ستمبر 2024کو ایک ایونٹ کے دوران متعارف کرائے جائیں گے۔
واضح رہے کہ کمپنی کی جانب سے 9 ستمبر کو ایک ایونٹ کے انعقاد کا اعلان کیا گیا ہے جسے گلو ٹائم کا نام دیا گیا ہے، ایپل نے ایونٹ کے حوالے سے مزید تفصیلات جاری نہیں کیں۔
پاکستان
مولانا فضل الرحمن کی چوہدری شجاعت حسین سے ان کی رہائش گاہ پر ملاقات
چوہدری شجاعت حسین نے گفتگو کرتے ہوئے کہا کہ مولا نا فضل الرحمن کے ساتھ ہمارے دیرینہ تعلقات ہیں،چوہدری ظہور الٰہی کے دور میں مولانا فضل الرحمن کے والد مولانا مفتی محمود کے ساتھ بھی گہرے مراسم تھے
![مولانا فضل الرحمن کی چوہدری شجاعت حسین سے ان کی رہائش گاہ پر ملاقات](/media/116301/conversions/download-(2)-1280x720.jpg)
مولانا فضل الرحمن منگل کے روز یہاں سابق وزیر اعظم چوہدری شجاعت حسین کی رہائش گاہ پر پہنچے ، انہوں نے چوہدری شجاعت حسین کی خیریت دریافت کی اور ملک کی سیاسی صورتحال پر تبادلہ خیال کیا ۔ملاقات میں صوبائی وزیر صنعت و تجارت چوہدری شافع حسین بھی موجود تھے۔ چوہدری شجاعت حسین نے گفتگو کرتے ہوئے کہا کہ مولا نا فضل الرحمن کے ساتھ ہمارے دیرینہ تعلقات ہیں،چوہدری ظہور الٰہی کے دور میں مولانا فضل الرحمن کے والد مولانا مفتی محمود کے ساتھ بھی گہرے مراسم تھے ،انہوں نے کہا کہ تعلقات کا یہ سلسلہ مولانا فضل الرحمن کے ساتھ بھی قائم ہے اور قائم رہے گا۔
مولانا فضل الرحمان نے کہا کہ چوہدری شجاعت حسین ہمارے بزرگ اور دوست ہیں ، ہم چوہدری شجاعت حسین کی عیادت کیلئے آئے تھے لیکن چوہدری شجاعت حسین نے 22اگست کے سپریم کورٹ کے فیصلے کی خوشی میں ہمیں حلوہ کھلایا اورختم نبوت کے حوالے سے کامیابی پر مبارکباد دی ہے ۔
اس موقع پر مولانا امجد خان نے چوہدری شجاعت حسین سے کہا کہ 1974میں قومی اسمبلی میں پاس ہونے والی قراردادوں اور مکمل کارروائی کو کتابی شکل دے دی گئی ہے ،پانچ جلدوں میں چھپی ہوئی یہ کتاب جلد آپ کو بھجوائیں گے ۔ملاقات کے اختتام پر چوہدری شجاعت حسین کی مکمل صحت یابی کیلئے دعا بھی کی گئی ۔ سابق وفاقی وزیر چوہدری وجاہت حسین ، ترجمان جے یو آئی اسلم غور ی ، حافظ نعیم ، حافظ غضنفر ، ڈپٹی سیکرٹری اطلاعات جے یو آئی مولانا امجد خان اور دیگر بھی ملاقات میں موجود تھے ۔
-
پاکستان ایک دن پہلے
حکومت کا بجلی کے پری پیڈ میٹرز لانے کا منصوبہ زیر غور
-
پاکستان 20 گھنٹے پہلے
پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ
-
علاقائی ایک دن پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
تجارت ایک دن پہلے
انٹربینک مارکیٹ میں ڈالر کی قیمت میں 8 پیسے کمی
-
علاقائی 18 گھنٹے پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
تجارت ایک دن پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان
-
پاکستان ایک دن پہلے
28 اگست کو پورے ملک میں ہڑتال کریں گے، نائب امیر جماعت اسلامی
-
پاکستان 16 گھنٹے پہلے
مولانا فضل الرحمٰن کا تاجروں کی ہڑتال کی حمایت کا اعلان