پاکستان
بجلی پر ریلیف کا نوازشریف کا اعلان جھوٹ کے علاوہ کچھ نہیں ہے، عمر ایوب
آئی پی پیز سے معاہدے ن لیگ نے کیے، یہی معاہدے اتنی زیادہ کپیسٹی پیمنٹ کی وجہ بنے، پی ٹی آئی رہنما
![بجلی پر ریلیف کا نوازشریف کا اعلان جھوٹ کے علاوہ کچھ نہیں ہے، عمر ایوب](/media/115080/conversions/1621530817ab3e6-1280x720.jpg)
تحریک انصاف کے رہنما اور اپوزیشن لیڈر عمر ایوب نے کہا ہے کہ بجلی پر ریلیف کا نوازشریف کا اعلان جھوٹ کے علاوہ کچھ نہیں ہے۔
نواز شریف کی جانب سے پریس کانفرنس میں بجلی کے ریلیف کے اعلان پر عمر ایوب نے ردعمل دیتے ہوئے کہا کہ آئی پی پیز سے معاہدے ن لیگ نے کیے، یہی معاہدے اتنی زیادہ کپیسٹی پیمنٹ کی وجہ بنے۔
عمر ایوب نے کہا کہ ن لیگ اور پی پی کی حکومت پھر بجلی، گیس کی قیمتوں میں اضافہ کرے گی۔
دنیا
سعودی عرب کی مسجد اقصیٰ میں یہودی عبادت گاہ سےمتعلق بیان کی مذمت
مسجد اقصیٰ کی تاریخی اور قانونی حیثیت کا احترام کیا جائے، سعودی عرب
![سعودی عرب کی مسجد اقصیٰ میں یہودی عبادت گاہ سےمتعلق بیان کی مذمت](/media/116231/conversions/327286fc-ec52-48ab-85c1-0d1e5ea9a068_16x9_1200x676-1280x720.jpg)
سعودی عرب نے قابض اسرائیل کی حکومت کے ایک وزیر کی جانب سے مسجد اقصیٰ میں یہودی عبادت گاہ قائم کرنے کے مطالبے سے متعلق بیان کی مذمت کی ہے۔
سعودہ وزارت خارجہ کی جانب سے جاری بیان میں باور کرایا گیا ہے کہ مملکت شدت پسندی پر مبنی اس بیان کو اور دنیا بھر کے مسلمانوں کے جذبات کی مسلسل اشتعال انگیزی کو یکسر مسترد کرتی ہے۔ بیان میں زور دیا گیا کہ مسجد اقصیٰ کی تاریخی اور قانونی حیثیت کا احترام کیا جائے۔
سعودی عرب نے ایک بار پھر عالمی برادری سے اس مطالبے کا اعادہ کیا کہ وہ برادر فلسطینی عوام کو درپیش انسانی المیے کی روک تھام کرے۔ علاوہ ازیں بین الاقوامی قوانین اور قرار دادوں کی مسلسل خلاف ورزیوں پر اسرائیلی ذمے داران سے پوچھ گچھ کے لیے سنجیدہ طریقہ کار کو فعال بنائے۔
ٹیکنالوجی
آئی فون 16 سیریز کی ڈیوائسز کی تاریخ رونمائی کا اعلان
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے
![آئی فون 16 سیریز کی ڈیوائسز کی تاریخ رونمائی کا اعلان](/media/116267/conversions/377156_6924597_updates-1280x720.jpg)
سمارٹ فونز بنانے والی کمپنی ایپل نے آئی فون 16 سیریز کی ڈیوائسز کی تاریخ رونمائی کا اعلان کر دیا ہے۔
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے،اسی وجہ سے ہر سال دنیا میں کروڑوں لوگ نئے آئی فونز کی لانچنگ کا بے صبری سے انتظار کرتے رہتےہیں۔
اس سال 2024میں ایپل کی طرف سےآئی فون16سیریز کو متعارف کیا جانا ہےاور اب اسکی ممکنہ تاریخ سامنے آگئی ہے،عالمی میڈیا کے مطابق ایپل کے نئے آئی فونز 9 ستمبر 2024کو ایک ایونٹ کے دوران متعارف کرائے جائیں گے۔
واضح رہے کہ کمپنی کی جانب سے 9 ستمبر کو ایک ایونٹ کے انعقاد کا اعلان کیا گیا ہے جسے گلو ٹائم کا نام دیا گیا ہے، ایپل نے ایونٹ کے حوالے سے مزید تفصیلات جاری نہیں کیں۔
پاکستان
الیکشن کمیشن کا این اے 79 گوجرانوالہ میں ووٹو ں کی دوبارہ گنتی کا حکم
ریٹرننگ آفیسر دوروز میں دوبارہ گنتی کرکے فارم 49 جاری کرے، الیکشن کمیشن
![الیکشن کمیشن کا این اے 79 گوجرانوالہ میں ووٹو ں کی دوبارہ گنتی کا حکم](/media/116257/conversions/news-1724759419-5836-1280x720.jpg)
الیکشن کمیشن نے این اے 79 گوجرانوالہ میں دوبارہ گنتی کا حکم جاری کردیا۔
الیکشن کمیشن نے ریٹرننگ آفیسر کو ہدایت دی ہے کہ وہ دوروز میں دوبارہ گنتی کرکے فارم 49 جاری کرے، دوبارہ گنتی کے بعد کامیاب امیدوار کا نوٹی فکیشن جاری کیا جائے۔
حکم نامے میں کہا گیا ہے کہ سپریم کورٹ فیصلے میں دوبارہ گنتی کا اختیار الیکشن کمیشن کو دے چکی ہے، دوبارہ گنتی میں یٹرننگ افسر مسترد شدہ ووٹوں کا بھی جائزہ لے، ریٹرنگ آفیسر گنتی کراکر دو روز میں رپورٹ جمع کرائے۔
واضح رہے کہ این اے 79 گوجرانوالہ سے پی ٹی آئی کے حمایت یافتہ احسان ورک کامیاب ہوئے تھے، مسلم لیگ ن کے ذوالفقار علی نے دوبارہ گنتی کی درخواست دی تھی۔
-
دنیا ایک دن پہلے
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا
-
تجارت 4 گھنٹے پہلے
ریکوڈک منصوبےمیں سعودی سرمایہ کاری کا معاہدہ رواں ہفتے متوقع
-
پاکستان ایک دن پہلے
حکومت کا بجلی کے پری پیڈ میٹرز لانے کا منصوبہ زیر غور
-
علاقائی ایک دن پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
پاکستان 2 دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
تجارت ایک دن پہلے
انٹربینک مارکیٹ میں ڈالر کی قیمت میں 8 پیسے کمی
-
پاکستان ایک دن پہلے
منی لانڈرنگ کیس،عدالتی احکامات پر پی ٹی آئی رہنما مونس الٰہی کا شناختی کارڈ بلاک
-
ٹیکنالوجی 2 دن پہلے
ٹیلی گرام کے بانی پاول دورو فرانس میں گرفتار