ٹیکنالوجی
انٹرنیٹ بندش کیخلاف درخواست ، تمام فریقین کو جواب جمع کرانے کا حکم
لاہور ہائیکورٹ میں ندیم سرور کی جانب سے دائر درخواست میں ملک بھر میں انٹرنیٹ کی بندش کو چیلنج کیا گیا تھا
![انٹرنیٹ بندش کیخلاف درخواست ، تمام فریقین کو جواب جمع کرانے کا حکم](/media/115125/conversions/WifiLHC-1280x720.jpg)
لاہور :لاہور ہائیکورٹ نے ملک بھر میں انٹرنیٹ کی بندش کے خلاف دائر درخواست پر فیصلہ محفوظ کرلیا ہے۔ عدالت نے تمام فریقین کو جواب جمع کرانے کا حکم دیا ہے اور اس معاملے کی اگلی سماعت 21 اگست تک ملتوی کردی ہے۔
گزشتہ روز لاہور ہائیکورٹ میں ندیم سرور کی جانب سے دائر درخواست میں ملک بھر میں انٹرنیٹ کی بندش کو چیلنج کیا گیا تھا۔ درخواست گزار نے موقف اختیار کیا تھا کہ حکومت نے بغیر کسی نوٹس اور وجہ بتائے انٹرنیٹ اور سوشل میڈیا ایپس بند کر دی ہیں جس سے عام زندگی اور کاروبار شدید متاثر ہو رہا ہے۔ انہوں نے عدالت سے استدعا کی تھی کہ حکومت کا یہ فیصلہ کالعدم قرار دے کر انٹرنیٹ کو بحال کیا جائے۔
عدالت نے درخواست پر سماعت کرتے ہوئے وفاقی حکومت، وزارت اطلاعات اور پاکستان ٹیلی کمیونیکیشن اتھارٹی (پی ٹی اے) کو نوٹس جاری کرتے ہوئے جواب طلب کیا ہے۔ عدالت نے ہدایت کی ہے کہ آئندہ سماعت پر ہر فریق کا نمائندہ کمرہ عدالت میں ضرور موجود رہے۔
دنیا
برٹش ایئر ویز نے اسرائیل سے آنے اور جانے والی پروازیں بدھ تک معطل کردیں
ایئر لائن کے ترجمان کا کہنا تھا کہ ‘ہم مشرق وسطیٰ کی صورتحال پر مسلسل نظر رکھے ہوئے ہیں اور بدھ 28 اگست تک تل ابیب سے آنے اور جانے والی اپنی پروازیں معطل کرنے کا آپریشنل فیصلہ کیا ہے
![برٹش ایئر ویز نے اسرائیل سے آنے اور جانے والی پروازیں بدھ تک معطل کردیں](/media/116128/conversions/2692569-bairuteairport-1724634859-929-640x480-1280x720.jpg)
برٹش ایئر ویز نے تل ابیب سے آنے اور جانے والی پروازیں بدھ تک معطل کر دیں۔
یہ اقدام غزہ میں جنگ کے آغاز کے بعد اسرائیل اور حزب اللہ کے درمیان ہونے والی سب سے بڑی جھڑپوں کے بعد اٹھایا گیا ہے۔
ایئر لائن کے ترجمان کا کہنا تھا کہ ‘ہم مشرق وسطیٰ کی صورتحال پر مسلسل نظر رکھے ہوئے ہیں اور بدھ 28 اگست تک تل ابیب سے آنے اور جانے والی اپنی پروازیں معطل کرنے کا آپریشنل فیصلہ کیا ہے۔
برٹش ایئرویز نے کہا ہے کہ وہ غزہ میں جنگ کے آغاز کے بعد اسرائیل اور لبنان کے ایران کے حمایت یافتہ حزب اللہ مسلح گروپ کے درمیان ہونے والی سب سے بڑی جھڑپوں کے بعد بدھ تک تل ابیب جانے اور جانے والی اپنی پروازیں معطل کر رہی ہے۔
ترجمان کا مزید کہنا تھا کہ حفاظت ہمیشہ ہماری اولین ترجیح ہے، اور ہم گاہکوں سے ان کے سفر کے اختیارات کے بارے میں مشورہ دینے کے لئے رابطہ کر رہے ہیں۔
تجارت
انٹربینک مارکیٹ میں ڈالر کی قیمت میں 8 پیسے کمی
دوسری جانب پاکستان اسٹاک ایکسچینج میں پاکستان اسٹاک ایکسچینج میں کاروبارکا منفی اختتام ہوا،انڈیکس میں کمی ریکارڈ کی گئی
![انٹربینک مارکیٹ میں ڈالر کی قیمت میں 8 پیسے کمی](/media/116133/conversions/dollar_pkr-1280x720.jpg)
کاروباری ہفتے کے پہلے روز انٹربینک میں ڈالر کی قیمت میں معمولی کمی ریکارڈ کی گئی۔
اسٹیٹ بینک آف پاکستان کے مطابق سوموار کو کاروباری کے اختتام پر انٹربینک مارکیٹ میں ڈالر 8 پیسے کی معمولی کمی کے بعد 278 روپے 50 پیسے سے کم ہو کر 278 روپے 42 پیسے کا ہو گیا ، کاروبار کے آغاز پر انٹربینک میں ڈالر 10 پیسے کی کمی سے 278 روپے 40 پیسے پر ٹریڈ کر رہا تھا، گزشتہ کاروباری ہفتے کے آخری دن ڈالر کا ریٹ 278 روپے ، 50 پیسے پر بند ہوا تھا۔
اوپن مارکیٹ میں ڈالر کی قیمت خرید278 روپے 60 پیسے اور قیمت فروخت 280 روپے 10 پیسے رہی ، دیگر بڑی کرنسیوں میں یورو 311.89 روپے، برطانوی پاؤنڈ 367.71 روپے، سعودی ریال 74.43 روپے، یو اے ای درہم 76.23 روپے کا ہوگیا۔
دوسری جانب پاکستان اسٹاک ایکسچینج میں پاکستان اسٹاک ایکسچینج میں کاروبارکا منفی اختتام ہوا،انڈیکس میں کمی ریکارڈ کی گئی۔
کاروبار کے ہفتے کے پہلے روز کاروبار کے اختتام پر 100 انڈیکس میں 230 پوائنٹس کی کمی ہوئی جس سے انڈیکس 78 ہزار 571 پوائنٹس کی سطح پر بند ہوا۔
کاروبار کےآغاز پراسٹاک مارکیٹ میں تیزی کا رجحان دیکھا گیا۔ 100 انڈیکس میں 305 پوائنٹس کا اضافہ ہوا جس سے انڈیکس 79 ہزار 62 پوائنٹس پر پہنچ گیا۔
پاکستان
ن لیگی رہنما اور رکن پنجاب اسمبلی رانا افضال حسین انتقال کر گئے
وفاقی وزیر رانا تنویر کے بھائی اور ایم این اے رانا عتیق انور کے والد افضال حسین چند روز سے لاہور کے نجی ہسپتال میں زیر علاج تھے
![ن لیگی رہنما اور رکن پنجاب اسمبلی رانا افضال حسین انتقال کر گئے](/media/116116/conversions/26153228329f10f-1280x720.jpg)
مسلم لیگ (ن) کے رہنما اور رکن پنجاب اسمبلی رانا افضال حسین انتقال کر گئے
پنجاب اسمبلی کے حلقہ پی پی 139 شیخوپورہ سے مسلم لیگ (ن) کے رکن پنجاب اسمبلی رانا افضال حسین علالت کے بعد انتقال کر گئے۔
پاکستان مسلم لیگ (ن) کے رہنما اور وفاقی وزیر رانا تنویر کے بھائی اور ایم این اے رانا عتیق انور کے والد افضال حسین چند روز سے لاہور کے نجی ہسپتال میں زیر علاج تھے۔
رانا افضال حسین 21 اپریل 2024 کو ہونے والے ضمنی الیکشن میں 46ہزار 585 ووٹ لے کر شیخوپورہ سے صوبائی اسمبلی کی نشست پی پی 139 سے مسلم لیگ(ن) کے امیدوار کے طور پر کامیاب ہوئے تھے،
اس حلقے سے تحریک انصاف کے حمایت یافتی سنی اتحاد کونسل کے امیدوار اعجاز حسین بھٹی 29ہزار 833 ووٹ لے کر دوسرے نمبر پر رہے تھے۔
خاندانی ذرائع کے مطابق رانا افضال حسین کی میت آبائی گاؤں ننگل کس والا مریدکے نارووال روڈ پہنچا دی گئی ہے۔
-
علاقائی 2 دن پہلے
چہلم شہدائے کربلا: کراچی سمیت سندھ میں ڈبل سواری پر پابندی
-
تجارت 10 گھنٹے پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان
-
پاکستان 2 دن پہلے
اسلام آباد : بلدیاتی الیکشن مؤخر ہونے کا خطرہ
-
پاکستان 6 گھنٹے پہلے
حکومت کا بجلی کے پری پیڈ میٹرز لانے کا منصوبہ زیر غور
-
علاقائی 9 گھنٹے پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
تجارت 2 دن پہلے
سونے کی اُڑان ،نئی تاریخ رقم!
-
دنیا 2 دن پہلے
نریندر مودی کے طیارے کا پاکستانی حدود استعمال کرنے کا انکشاف
-
پاکستان ایک دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار