گھوٹکی میں خوفناک حادثہ:بس اور ٹریلر میں تصادم سے 8 افراد جاں بحق

گھوٹکی: گھوٹکی میں موٹروے ایم فائیو پر پیش آنے والے ایک بھیانک سڑک حادثے میں 8 افراد جاں بحق اور 7 زخمی ہو گئے ہیں۔ حادثے میں دو خواتین اور دو بچے بھی شامل ہیں۔

موٹر وے پولیس کے مطابق مسافر بس پنجاب سے کراچی جا رہی تھی کہ اوباڑو کے قریب ٹریلر سے ٹکراگئی۔ بارش کے باعث ریسکیو آپریشن میں مشکلات کا سامنا کیا گیا۔ زخمیوں کو فوری طور پر قریبی ہسپتال منتقل کر دیا گیا ہے جہاں زخمیوں کی حالت تشویشناک بتائی جا رہی ہے۔

صبح سویرے خوفناک حادثہ!#GNN #BreakingNews #NewsUpdates #GNN_Updates pic.twitter.com/wRmbGE1Tao

— GNN (@gnnhdofficial) August 19, 2024

دوسری جانب صوبائی دارالحکومت لاہور میں علامہ شبیر عثمانی روڈ پر تیز رفتار کار کی ٹکر سے تین موٹر سائیکل سوار زخمی ہو گئے۔ حادثے کے بعد کار سوار خاتون موقع سے فرار ہو گئی۔ پولیس نے مقدمہ درج کر کے کار سوار کی تلاش شروع کر دی ہے۔