Advertisement
علاقائی

وزیراعلیٰ خیبر پختونخواسہیل خان آفریدی 2 روزہ دورے پر لاہور پہنچ گئے

وزیرِ اعلیٰ خیبرپختونخوا پنجاب اسمبلی کے دورے کے دوران اراکین صوبائی اسمبلی سے ملاقات کریں گے وہ صحافیوں اور طلبہ سے بھی ملاقات کریں گے

GNN Web Desk
شائع شدہ ایک سال قبل پر دسمبر 26 2025، 7:23 شام
ویب ڈیسک کے ذریعے
وزیراعلیٰ خیبر پختونخواسہیل خان آفریدی 2 روزہ دورے پر لاہور پہنچ گئے

لاہور:خیبر پختونخوا کے وزیراعلیٰ سہیل خان آفریدی 2 روزہ دورے پر لاہور پہنچ گئے ہیں،محکمہ داخلہ پنجاب نے خیبر پختونخوا کے وزیرِاعلیٰ سہیل آفریدی کے لاہور کے دورے کے دوران اُنھیں فول پروف سکیورٹی فراہم کرنے کی ہدایت کر دی ہے۔

تفصیلات کے مطابق صوبائی محکمہ داخلہ کی جانب سے جاری کیے گئے مراسلے میں کہا گیا ہے کہ وزیرِ اعلیٰ خیبر پختونخوا 26 سے 28 دسمبر کے دوران پنجاب کے دورے پر ہیں۔

مراسلے میں کہا گیا ہے کہ وزیراعلیٰ خیبرپختونخوا کی سکیورٹی کے فول پروف انتظامات کیلئے متعلقہ اداروں کو ہدایات جاری کی گئی ہیں۔

دورے کے دوران وزیرِاعلیٰ خیبر پختونخوا مختلف سرکاری و غیر سرکاری سرگرمیوں میں شرکت کریں گے۔ وزیرِ اعلیٰ خیبرپختونخوا پنجاب اسمبلی کے دورے کے دوران اراکین صوبائی اسمبلی سے ملاقات کریں گے وہ صحافیوں اور طلبہ سے بھی ملاقات کریں گے۔

مراسلے میں کہا گیا ہے کہ وزیرِ اعلیٰ خیبرپختونخوا کوٹ لکھپت جیل کا بھی دورہ کریں گے۔ 

واضح رہے کہ پاکستان تحریکِ انصاف کے رہنما شاہ محمود قریشی، میاں محمود الرشید، اعجاز چوہدری اور عمر سرفراز چیمہ لاہور کی کوٹ لکھپت جیل میں قید ہیں۔

 

 

Advertisement
رجحانات
Advertisement