صوبائی حکومت کا بسنت کے موقع پرلاہور میں فری بسیں اور رکشے چلانے کا اعلان

لاہور: پنجاب حکومت نے بسنت کے سلسلے میں چھ، سات اور آٹھ فروری کو لاہور میں فری بسیں اور رکشے چلانے کا اعلان کر دیا۔

تفصیلات کے مطابق پنجاب حکومت کا لاہور میں بسنت سے متعلق اہم اجلاس ہوا جس میں بسنت کے حوالے سے احتیاطی تدابیر اپنانے اور انتظامات کے متعلق تبادلہ خیال کیا گیا۔

دوران اجلاس پنجاب حکومت نے بسنت کے موقع پر 6 ، 7 اور 8 فروری کو لاہور میں بسیں اور رکشے فری چلانے کا اعلان کر دیا۔

اس حوالے سے صوبائی وزیر اطلاعات عظمیٰ بخاری نے کہا کہ لاہور میں 3 روز کیلئے بسیں اور رکشے فری چلائے جائیں گے، 30 دسمبر سے ڈوریں اور پتنگوں سے متعلق مینوفیکچرنگ کی اجازت دے رہے ہیں۔