پاکستان کے سابق سفیر حامد اصغر خان کو مراکش کے شاہی ایوارڈ سے نواز دیا گیا

پاکستان کے سابق سفیر حامد اصغر خان کو مراکش کے شاہی ایوارڈ وِسام علاوی سے نواز دیا گیا ہے۔

تفصیلات کے مطابق مراکش کے بادشاہ نے وزارت خارجہ پاکستان کے ایڈیشنل سیکرٹری سابق صفیر حامد اصغر خان کو مراکش اور پاکستان کے تعلقات کو مزید مستحکم مضبوط اور دیر پا بنانے پر کئی سالوں تک مسلسل کوششوں کے اعتراف کے طور پر شاہی ایوارڈ وِسام علاوی دینے کا فیصلہ کیا۔ 

اسلام اباد میں تعینات مراکش کے سفیر محمد کرمون نے تقریب میں حامد اصغر خان کو اس ایوارڈ سے نوازا، حامد اصغر خان کم و بیش چار سال تک مراکش میں سفیر پاکستان کی خدمات انجام دیتے رہے ہیں ۔