بھارتی وزیر اعظم نریندر مودی کا یوکرین کا دورہ ، بھارتی سازش بے نقاب

بھارتی وزیر اعظم نریندرمودی کے یوکرین کےرواں سال 23 اگست کے دورے کے دوران ہندوستان کا دوغلا پن پھر سے عیاں ہو گیا ۔ 

تفصیلات کے مطابق جیسے ہی  روس نے یوکرین کے بچوں کے ہسپتال پر حملہ کیا اسی وقت مودی کو روس کے اعلی ترین ایوارڈ سے نوازا گیا جس پر مودی کو کڑی تنقید کا سامنا کرنا پڑا ہے ۔ 

نریندر مودی کے روس کے دورے کے نتیجے میں نو معاہدوں پر دستخط کیے گئے جن میں یوکرین میں روسی فوج کے لیے لڑنے والے 35 ہندوستانی شہریوں کو وطن واپس لانے کا ایک معاہدہ بھی شامل ہے ۔ 

بھارت بظاہر یوکرین کی مدد کر رہا ہے جبکہ امریکی خدشات کے باوجود بھارت روس سے تیل کی خریداری جاری رکھے ہوئے ہے ۔

واضح رہے کہ بھارت روس سے 400-S میزائل سسٹم حاصل کر چکا ہے ۔ 

مودی کے یوکرین کے دورے کو کچھ لوگ یورپ اور امریکہ کو خوش کرنے کے لیے ایک موقع پرست اقدام کے طور پر دیکھ رہے ہیں۔ 

یاد رہے کہ مودی کا یوکرین کا دورہ ہندوستان کی خارجہ پالیسی کی حکمت عملی کے بارے میں سوالات اٹھا رہا ہے ۔