لوڈشیڈنگ کے مسائل حل کرنے کیلئے حکومت بجلی گھر قائم کر رہی ہے ، وزیرتوانائی

وزیر توانائی سردار اویس احمد خان لغاری نے کہا ہے کہ ملک میں بجلی کی لوڈشیڈنگ کے مسئلے کے حل کے لئے حکومت نئے بجلی گھر قائم کرنے کی منصوبہ بندی کررہی ہے۔

انہوں نے آج(منگل) کو اسلام آباد میں نیشنل یوتھ کنونشن سے خطاب کرتے ہوئے کہا کہ مہنگی بجلی کی پیداوار کے باوجود صارفین کو رعائتی نرخوں پر بجلی فراہم کی جارہی ہے۔

اویس لغاری نے کہا کہ وزیراعظم شہباز شریف بجلی کی قیمتوں کے حوالے سے ایک یا دو ماہ کے اندر عوام اور صنعتوں کو خوشخبری دیں گے۔