اپوزیشن والے اپنی نااہلی چھپانے کیلئے تنخواہوں میں اضافہ کرتے تھے،حماداظہر

وفاقی وزیر حماد اظہر نے اظہار خیال کرتے ہوئے کہا کہ  آج ایوان میں ایک نابالغ لیکچر دیا گیا۔ جنہوں نے زندگی بھر کوئی کاروبار نہیں کیا وہ ہمیں بتائیں  گے کہ میعشت کیسے چلانی ہے ، کرپشن کے داغ انگلش بولنے سے دور نہیں ہونگے ۔

وفاقی وزیر نے کہا ہے کہ منہ ٹیڑھاکرکےانگریزی بولنے سے کرپشن کے داغ ختم نہیں ہوں گے ۔ یہ وہی شخص ہے جس نے کہا میں تمہیں جوتا ماروں گالیکن آج تک معافی نہیں مانگی ۔ حماد اظہر نے مزید کہا کہ انہوں نے مہنگائی پر بڑا تذکرہ کیا اور کہا کہ 4 فیصد گروتھ کیسے آگئی ،ایسے محسوس ہو رہا تھا کہ پیپلز پارٹی کے چیئر مین کو تکلیف کیوں ہو رہی ہے ۔ان کے دور میں ایک سال بھی ایسا نہیں تھا جب اتنی گروتھ ہوئی ہو ۔

 وفاقی وزیر نے اپنی تقریر میں شیخ روحیل اصغر کی جانب سے استعمال کی گئی غیر پارلیمانی زبان پر بھی شدید تنقید کی اور کہا کہ پنجاب کا کلچر گالی دینا نہیں جو یہ کہے گا وہ پنجاب کے کلچر کی تضحیک کر رہا ۔ میں بھی پنجاب کی مٹی کا ایک بیٹا ہوں۔

 ہم پر تنقید کرنے والوں کو یہ بتا دینا چاہتاہوں کہ ہمارے حلقوں میں موہنجوداڑو جیسے حالات نہیں ، ہمارے یہاں کتوں کے کاٹنے سے پھیلنے والی بیماری نہیں پھیلی۔ ہمارے علاقے ایڈز سے متاثر نہیں ہیں ۔

حماد اظہر نے نے مزید  کہا کہ انہوں نے مہنگائی پر بڑا تذکرہ کیا اور کہا کہ 4 فیصد گروتھ کیسے گئی۔ ان کے دور میں ایک سال بھی ایسا نہیں تھا جب اتنی گروتھ ہوئی ہو ۔ پی پی دور میں 21 فیصد پہلے سال ،11.7 دوسرے سال ،11.8 فیصد مہنگائی  تیسرے سال میں ہوئی ۔

بینظیر انکم سپورٹ پروگرام کے بارے میں بات کرتے ہوئے کہا کہ وفاقی وزیر نے کہا کہ  بینظیرانکم سپورٹ پروگرام میں ان کی فرزانہ راجہ ڈیڑھ کروڑکی مفرور ہیں ۔لاکھوں لوگ جو پیپلز پارٹی سے وابستہ تھے جن کو وظیفے دیئے گئے ،جبکہ ہم نے احساس پروگرام میں  ایک کروڑ 60 لاکھ گھرانوں کی اس کی مدد پہنچائی۔ بی آئی ایس پی میں 30-35 لاکھ لوگ تھے ۔

وفاقی وزیرنے تنخواہوں کے حوالے سے اظہار خیال کرتے ہوئے کہا کہ یہ بات درست ہےتنخواہوں میں 10 فیصد اضافہ کیا ،مہنگائی کی شرح 8 فیصد ہے ، اور یہ اپنی نااہلی چھپانے کیلئے تنخواہوں میں اضافہ کرتے تھے۔ پیپلزپارٹی کے دورمیں سب سے زیادہ مہنگائی تھی۔ جنہوں نےکبھی کوئی کام نہیں کیا تو وہ ایسے ہی بات کرتے ہیں۔

 حماد اظہر نے کہا کہ جو انقلاب اور سیاسی تبدیلی کراچی میں آئی وہ آئندہ الیکشن میں سندھ میں دیہی علاقوں میں بھی آئیگی۔ انہوں نے کہا کہ سندھ کی حالت دیکھ کر یہ بحث ختم ہو جانی چاہئےکرپشن سے لوگوں کو فرق نہیں پڑتا ۔ سندھ میں کوئی نظام نہیں ۔ اربوں روپے منافع والی سٹیل مل جب آپ گئے توخسارے میں پڑی تھی ۔ اسٹیل مل ہم نے نہیں بلکہ ن لیگ نے 2015 میں بند کی تھی ۔ اگر کرپشن سے تباہی دیکھنی ہےتو سندھ جاکر دیکھیں ۔

 گندم کے ریلیز کرنے کے سندھ حکومت  کے بیان  کا حوالے دیتے ہوئے وفاقی وزیر نے کہا کہ سندھ حکومت کہتی تھی گندم کو ریلیز کروورنہ آٹے کی قیمت اوپر چلی جائے گی ۔ سندھ میں اکتوبر میں آٹا باقی پاکستان سے 200روپے اوپر چلا گیا ہے۔ سندھ کا ہیومین ڈیویلپمنٹ انڈیکس سب سے کم ہے ۔  حماد اظہر نے اس موقع پر کہا کہ اگر بزدل نہیں ہو تو میری بات سن کر جاؤ ،اگر ہمت ہے تو میری تقریر سن کرجاؤ اور وہ چلے گئے ۔

 حماد اظہر نے اظہار خیال کرتے ہوئے کہا کہ میں نے جب پہلا بجٹ پیش کیا تھا اس وقت میں نے کہا تھا کہ معیشت کو مستحکم کرنے کیلئے ہمیں سخت فیصلے کرنے پڑیں گے ۔ اڑھائی  سال پہلے ملک کے ذخائر کم ہو چکے تھے امپورٹ کور نہیں تھا ۔

آج اڑھائی  سال بعد ہمارے فارن ایکسچینج کےزخائر 6 سال کی بلند سطح پر پہنچ چکے ہیں ۔ نو ارب ڈالر کے ذخائر جو قرضے پر تھے ان کو بھی ہم نے کلیئر کر لیا  ہے ۔ ہمیں پاکستان کی تاریخ کا سب سے زیادہ قرضہ واپس کرنا پر رہا ہے ۔ ساڑھے 3 ارب ڈالر پاکستان کے بیرون قرضے میں اضافہ ہو گا جو اب تک کا کم ترین ہوگا ۔