فلم " پرتھوی راج" کے ریلیز ہونے سے قبل ہی بھارت میں ہنگامے پھوٹ پڑے

بھارتی میڈیا کے مطابق بھارت کی ہندو انتہا پسند جماعت اکھیل بھارتیہ ہندو مہاسبا نے بالی ووڈ سٹار اکشے کمار کی فلم پرتھوی راج کے خلاف شہر چندی گڑھ میں بڑے احتجاجی مظاہروں کا سلسلہ شروع کردیا ہے ۔

مظاہرین نے اس موقع پراداکار اکشے کمار اور فلم ہدایت کار کے خلاف شدید نعرے بازی کی اور ان کے پتلے بھی جلائے ۔ انتہا پسند جماعت نے فلم کے نام پر اپنے تحفظات کا اظہار کرتے ہوئے اس کی ریلیز سے قبل اس میں تبدیلیاں کرنے کا مطالبہ کیا ہے ۔

جماعت کے مرکزی رہنماؤں کا کہناہے کہ تاریخ پر مبنی فلم کا نام پرتھوی راج کی بجائے " ہندو سمراٹ پرتھوی راج چوہان" رکھاجائے ، صرف پرتھوی راج نام رکھنا ہندئوں کے بہادر حکمران کی توہین ہے۔

ان کا کہناتھاکہ فلم کی ریلیز سے قبل ہمیں دکھایا جائے تاکہ فلم میں بتائی گئی تاریخ کا جائزہ لیا جائے ۔ پرتھوی راج چوہان ہندوؤں کے حکمران گزرے ہیں جن کی بہادری کے کارنامے پورے بھارت میں مشہور ہیں ۔ ہندو ہرتھوی راج چوہان سے متعلق عزت و احترام کے گہرے جذبات رکھتے ہیں ۔