انتونیو گوتریس دوسری مدت کے لیے اقوام متحدہ کے سیکریٹری جنرل منتخب

تفصیلات کے مطابق انتونیو گوتریس اگلی پانچ سالہ مدت کے لیے اقوام متحدہ کے سیکرٹری جنرل رہیں گے ۔ 72 سالہ  انتونیوگوتریس کا تعلق پرتگال سے ہے ۔

انتونیوگوتریس نے منتخب ہونے کے بعد اپنے بیان میں کہا ہے کہ " میں چھوٹے اور بڑے ممالک کے درمیان ایک پل کی حیثیت سے کام کروں گا ، ممالک کےد رمیان تعلقات کو بہتر کرنے کے لیے اپنا کردار ادا کرتا رہوں  گا ۔  ان کا کہناتھا کہ میرے  ایجنڈے میں تنازعات کا خاتمہ اولین ترجیع ہے ۔

واضح رہے کہ پرتگال سے تعلق رکھنے والے 72 سالہ انتونیو گوتریس 2017 میں پہلی بار اقوام متحدہ کے سیکرٹری جنرل منتخب ہوئے تھے ۔ 2017 میں انہوں نے بان کی مون کی جگہ اس عہدے کا چارج سنبھالا تھا ۔

دوسری معیاد کے لیے ان کے سامنے کوئی امیدوار نہیں تھا ، ان کے علاوہ دس دیگر افراد نے بھی یہ عہدہ حاصل کرنے کی خواہش کا اظہار کیا تھا تاہم یہ تمام باقاعدہ امیدوار نہیں تھے ۔ کیونکہ کہ انہیں اقوام متحدہ کے 193 رکن ممالک میں سے کسی کی بھی تائید حاصل نہیں تھی ۔

جبکہ سیکیورٹی کونسل  کے 15 ممالک نے گزشتہ ماہ جنرل اسمبلی کی دوسری مدت کے لیے انتونیوگوتریس کے نام کی منظوری دی تھی۔ ۔