محکمہ موسمیات کی ملک کے مختلف شہروں میں بارش کی پیشگوئی

لاہور/اسلام آباد: محکمہ موسمیات نے ملک کے مختلف شہروں میں مزید موسلادھار بارشوں کی پیشگوئی کر دی ہے۔

محکمہ موسمیات کے مطابق سندھ، بلوچستان، پنجاب، اسلام آباد، خیبر پختونخوا، گلگت بلتستان اور کشمیر میں کہیں کہیں تیز ہواؤں اور گرج چمک کے ساتھ مزید بارش کا امکان ہے۔ اس دوران زیریں سندھ، شمال مشرقی/جنوبی بلوچستان، شمال مشرقی/وسطی پنجاب، خطہ پوٹھوہار، اسلام آباد، خیبر پختونخوا، گلگت بلتستان اور کشمیرمیں موسلادھار بارش ہونے کی بھی توقع ہے۔

اسلام آباد اور گرد و نواح میں وقفے وقفے سے تیز ہواؤں اورگرج چمک کے ساتھ مزید بارش کا امکان ہے۔ اس دوران موسلادھار بارش ہونے کی بھی متوقع ہے۔

پنجاب کے بیشتر اضلاع میں وقفے وقفے سے تیز ہوائیں چلنے اورگرج چمک کے ساتھ مزید بارش کا امکان ہے۔ 

دوسری جانب محکمہ موسمیات نے لاہور میں بھی آج اور کل بارش کی پیشگوئی کردی۔ 

لاہور میں گزشتہ روز کی بارش سے موسم نہایت خوشگوار ہو گیا۔ شہر کے آج بھی آسمان پر بادلوں کا راج ہے اور ہوا میں نمی کی مقدار 70 فیصد سے زائد ریکارڈ کی گئی ہے۔ 

محکمہ موسمیات کے مطابق آج اور کل شہر میں وقفے وقفے سے بارش ہونے کا امکان ہے۔ پی ڈی ایم اے نے بھی پنجاب کے مختلف حصوں میں بارش کی پیشگوئی کی ہے۔ شہر کا کم سے کم درجہ حرارت 25 اور زیادہ سے زیادہ 32 ڈگری سینٹی گریڈ رہنے کا امکان ہے۔