سینئر سفارت کار آمنہ بلوچ سیکرٹری خارجہ تعینات، نوٹیفکیشن جاری

سینئر سفارت کار آمنہ بلوچ کو سیکرٹری خارجہ تعینات کر دیا گیا ہے، اس حوالے سے نوٹیفکیشن جاری کردیا گیا۔

آمنہ بلوچ 11 ستمبر سے سیکریٹری خارجہ کےعہدے کا چارج لیں گی۔

موجودہ سیکریٹری خارجہ محمد سائرس سجاد قاضی 10 ستمبر کو ریٹائر ہو رہے ہیں، محمد سائرس سجاد قاضی کو فیڈرل پبلک سروس کمیشن کا ممبر مقرر کیا گیا ہے۔

خیال رہے کہ آمنہ بلوچ پاکستان کے سفیر کی حیثیت سے یورپی یونین کیلئے بیلجیئم میں تعینات تھیں۔