حکومت کی رواں مالی سال کے دوران 32 ڈیموں کی تعمیر کیلئے رقم فراہمی کی یقین دہانی

قومی اسمبلی کو آج (جمعہ) بتایا گیا کہ وفاقی حکومت رواں مالی سال کے دوران بتیس ڈیموں کی تعمیر کے لئے رقم فراہم کررہی ہے۔

آبی وسائل کے وزیر مصدق ملک نے وقفہ سوالات کے دوران ایوان کو بتایا کہ مکمل ہونے پر ان منصوبوں میں تقریباً 84 لاکھ انتیس ہزار دو سو اٹھاسی ایکڑ فٹ پانی ذخیرہ کرنے کی گنجائش ہوگی اور 4 لاکھ 36 ہزار 934 ایکڑ رقبہ زیر کاشت آئے گا۔

وزیر اطلاعات و نشریات عطا اللہ تارڑ نے ایوان کو بتایا کہ وزیر اعظم شہباز شریف نے نیشنل ووکیشنل اینڈ ٹیکنیکل ٹریننگ کمیشن کو ہدایت کی ہے کہ نرسوں کو عالمی معیار کے مطابق تربیت فراہم کریں۔ انہوں نے کہا اس سے پاکستان مقامی طور پر اور بیرون ملک نرسوں کی طلب کو پورا کرنے کے قابل ہوجائے گا۔