روسی نائب وزیراعظم کل 2 روزہ دورے پر پاکستان پہنچیں گے

اسلام آباد: روسی نائب وزیراعظم الیکسی اوورچوک کل 2 روز کے دورے پر پاکستان آئیں گے۔

ترجمان دفتر خارجہ ممتاز زہرہ بلوچ کا کہنا ہے کہ روسی نائب وزیراعظم پاکستان کے صدرآصف علی زرداری ، وزیراعظم شہباز شریف اور وزیرخارجہ اسحاق ڈار سے ملاقاتیں کریں گے۔

ممتاز زہرہ بلوچ کا کہنا ہے کہ پاک روس خوشگوار تعلقات تجارتی، توانائی اور رابطے کے شعبوں میں تعاون کے عکاس ہیں۔پاکستان اور روس کے درمیان خوشگوار تعلقات موجود ہیں۔