ائیر مارشل امرپریت سنگھ بھارتی فضائیہ کے نئے سربراہ مقرر

نئی دہلی :بھارتی حکومت نے فضائیہ کا نیا سربراہ مقرر کر دیا ہے۔

 بھارتی میڈیا کے مطابق ائیر مارشل امرپریت سنگھ کو بھارتی فضائیہ کا 47 واں سربراہ مقرر کیا گیا ہے۔ وہ فی الحال بھارتی فضائیہ میں وائس چیف آف ائیر اسٹاف کے طور پر فرائض انجام دے رہے ہیں۔

ائیر مارشل امرپریت سنگھ رواں ماہ 30 ستمبر کو بھارتی فضائیہ کے سربراہ کا عہدہ سنبھالیں گے جبکہ موجودہ سربراہ ویویک رام چوہدری اپنی مدت ملازمت مکمل کرکے ریٹائر ہوں گے۔

ائیر مارشل امرپریت سنگھ نے 1984 میں بھارتی فضائیہ میں کمیشن حاصل کیا تھا اور اس کے بعد سے وہ مختلف اہم عہدوں پر فائز رہ چکے ہیں۔ انہوں نے ایسٹرن ائیرکمانڈ میں سینئر ائیر اسٹاف آفیسر کے طور پر بھی خدمات انجام دی ہیں۔