پیپلز پارٹی نے قومی اسمبلی میں خواتین کی ایک اور مخصوص نشست اپنے نام کر لی

الیکشن کمیشن نے پاکستان پیپلز پارٹی کو قومی اسمبلی میں خواتین کی ایک اور مخصوص نشست الاٹ کر دی۔

الیکشن کمیشن نے پنجاب سے قومی اسمبلی میں خواتین کی مخصوص نشست پر ثمینہ خالد گھرکی کو کامیاب قرار دے کر نوٹیفکیشن جاری کردیا۔ الیکشن کمیشن نے 13 مئی کو سپریم کورٹ کے حکم پر نشست معطل کی تھی۔

خیال رہے کہ صوبائی اسمبلیوں کے اسپیکرز کی جانب سے الیکشن کمیشن کو خطوط لکھے گئے ہیں جن میں سپریم کورٹ کے فیصلے کے بعد مخصوص نشستوں کی جلد الاٹمنٹ کا مطالبہ کیا گیا ہے۔

جبکہ قومی اسمبلی کے اسپیکر ایاز صادق نے الیکشن کمیشن سے سپریم کورٹ کے فیصلے پر عمل درآمد سے معذرت کرلی ہے۔

واضح رہے کہ این اے 171 کے ضمنی انتخاب میں کامیابی کے بعد پیپلز پارٹی کی خواتین کیلئے مخصوص نشست میں اضافہ ہو گیا تھا۔

پنجاب سے قومی اسمبلی میں پیپلز پارٹی کی نشستوں میں دو کا اضافہ ہوا ہے۔