وزیر اعظم ایک بار پھر خواتین کے لباس سےمتعلق بیان پر تنقید کی زد میں

تفصیلات کے مطابق وزیراعظم عمران خان نے غیرملکی نیوزویب سائٹ ’ایچ بی او میکس‘  کو انٹرویو دیتے ہوئے پاکستان اور امریکا کے تعلقات سمیت افغانستان میں پاکستان کے کردار  کے علاوہ مسئلہ کشمیر پر بھی کھل کر بات کی اور ساتھ ہی ساتھ ماضی میں ریپ کو فحاشی کے ساتھ منسلک کرنے کے بیان پر اپنی رائے کا اظہار کیا ۔

انٹرویو میں صحافی نے وزیراعظم سے ان کے ماضی میں ریپ کو فحاشی کے ساتھ منسلک کرنے کے بیان سے متعلق سوال کیا تو اس پر عمران خان نے کہا کہ 'یہ سراسر غلط ہے میں نے ایسا نہیں کہا تھا ،  میں نے پردے کے تصور پر بات کی تھی، پردے کا تصور یہ ہے کہ معاشرے میں پھلینے والے فتنے سے گریز کیا جائے ۔

میں نے کبھی نہیں کہا عورتیں برقعہ پہنیں، ہمارے ہاں ڈسکوز اور نائٹ کلب نہیں ہیں، لہذا اگر معاشرے میں بے راہ روی بہت بڑھ جائے گی اور نوجوانوں کے پاس اپنے جذبات کے اظہار کی کوئی جگہ نہ ہو، تو اس کے معاشرے کے لئے مضمرات ہوں گے۔

سوال پوچھا گیا کہ 'کیا آپ سمجھتے ہیں کہ خواتین جو پہنیں اس کا کوئی اثر ہوتا ہے کیا یہ فتنے کا حصہ ہے؟

وزیر اعظم نے کہا کہ اگر عورت مختصر کپڑے پہنے گی تو اس سے مرد پر اثر پڑے گا تا وقت  یہ کہ وہ روبوٹ ہو، جہاں تک جنسی تشدد ہے اس کا تعلق معاشرے سے ہے، جس معاشرے میں لوگ ایسی چیزیں نہیں دیکھتے وہاں اس سے اثر پڑے گا لیکن امریکا جیسے معاشرے میں کوئی فرق نہیں پڑے گا۔

جب صحافی نے بحیثیت بین الاقوامی کرکٹ اسٹار  ان کا ماضی یاد دلایا تو عمران خان نے کہا کہ یہ میری ذات کی نہیں بلکہ میرے معاشرے کی بات ہے، میری ترجیح یہ ہے کہ میرا معاشرہ کیسے برتاؤ کرتا ہے اور کیا ردعمل آتے ہیں، لہذا جب ہمارے ہاں جنسی جرائم بڑھتے ہیں تو ہم بیٹھ کر اس مسئلے کا حل سوچتے ہیں۔

وزیر اعظم عمران خان کے مذکورہ جواب پر انہیں سوشل میڈیا پر تنقید کا نشانہ بنایا جا رہا ہے.

once again disappointed but not surprised at how our PM proceeded to victim blame telling every single woman living in this country that they should expect no justice.

— Mariee? (@urdadhuh) June 21, 2021

وزیر اعظم کے مذکورہ انٹرویو کے بعد ٹوئٹر ’ایکسیوز آن ایچ بی او‘ کا ٹرینڈ بھی ٹاپ پر آگیا۔

Yess, what we can do as a society rather than doing the blame game, we should just do our parts of the job and talk about prevention and protection, who WAS responsible won’t give solution but WHO and HOW the RAPIST is gonna be ACCOUNTABLE should be talked about #OurPM #PMIK

— Eye.res (@eye_talkss) June 21, 2021

صحافی ریما عمر نے بھی وزیر اعظم کے بیان کی مذمت کی اور اسے افسوس ناک بھی قرار دیا۔ 

انہوں لکھا کہ وزیر اعظم کی جانب سے جنسی تشدد کرنے والے افراد کے بجائے متاثرین پر الزام لگانے کا بیان سن کر افسوس ہوا۔

Disappointing and frankly sickening to see PM Imran Khan repeat his victim blaming regarding reasons for sexual violence in Pakistan

Men are not “robots”, he says. If they see women in skimpy clothes, they will get “tempted” and some will resort to rape

Shameful!

— Reema Omer (@reema_omer) June 20, 2021

وزیر اعظم پرصحافی ریما عمر کی  جانب سے  تنقید کرنے پر عمران خان کے فوکل پرسن ڈاکٹر ارسلان کی جانب سے ٹویٹ کیا گیا جس میں ان کا کہنا تھا کہ   "ایک بار پھر سیاق و سباق سے ہٹ کر صرف اس مخصوص حصے کو منہا کیاجارہا ہےلیکن حقیقت میں  وزیر اعظم کا اشارہ معاشرے میں بڑھتی ہوئی  جنسی سوچ کی طرف تھا۔"

Again selective and out of context tweeting of what he actually said by subtracting the part where he talked about what kind of society we live in and abt the sexual frustration in the society. https://t.co/zuFw0mZ3WB

— Dr Arslan Khalid (@arslankhalid_m) June 20, 2021