پاکستان میں تاجکستان کے سفیر یوسف شریف زادہ نے کہا ہے کہ پاکستان میں شنگھائی تعاون تنظیم(ایس سی او)سربراہی اجلاس مستقبل میں ایس سی اوکے ممالک کے درمیان خوشگوار تعلقات استوار کرے گا۔

تاجکستان اور پاکستان شنگھائی تعاون تنظیم کے اہم رکن ہیں جن کی جغرافیائی قربت شنگھائی تعاون تنظیم کے ممالک کے درمیان اقتصادی اور تجارتی انضمام کے لئے اہم ہے اور اس سلسلے میں دونوں ممالک کے درمیان ہم آہنگی موجود ہے۔

تاجک سفیر نے کہا کہ شنگھائی تعاون تنظیم میں پاکستان سمیت وسطی ایشیائی ممالک کا کردار اہم ہے اور مستقبل میں شنگھائی تعاون تنظیم کے ممالک کے درمیان تعلقات میں اس خطے کا کردار اہمیت رکھتا ہے۔ انہوں نے کہا کہ تاجکستان کے وزیر اعظم کوہر رسول زادہ نے اپنے وفد کے ہمراہ پاکستان میں تنظیم کے اجلاس میں بھرپور شرکت کی اور دونوں ممالک کے درمیان باہمی تعلقات کو بہتر بنانے پر بھی تبادلہ خیال کیا گیا۔

انہوں نے کہا کہ شنگھائی تعاون تنظیم ایک ابھرتا ہوا اقتصادی فورم ہے جو مستقبل کے جغرافیائی و اقتصادی تعلقات میں تمام رکن ممالک کے لئے اہم ہے۔ انہوں نے کہا کہ اجلاس کے موقع پر وزیر اعظم شہباز شریف اور تاجکستان کے وزیر اعظم کوہر رسول زادہ کے درمیان ملاقات ہوئی جس میں دونوں رہنمائوں نے مشترکہ مفادات کے تمام شعبوں میں تعاون حاصل کرنے کے لئے قریبی دو طرفہ تعاون پر بات چیت کی۔

انہوں نے کہا کہ دونوں سربراہان نے تجارت، سرمایہ کاری، توانائی اور علاقائی رابطوں کے شعبوں میں دوطرفہ تعلقات کے فروغ کی ضرورت پر زور دیا۔

انہوں نے کہا کہ تاجکستان کے وزیراعظم نے شنگھائی تعاون تنظیم کے سربراہ کی حیثیت سے پاکستان کی جانب سے اجلاس کے انعقاد پر مبارکباد پیش کی اور ان کے اور شنگھائی تعاون تنظیم کے مندوبین کے پرتپاک استقبال اور مہمان نوازی پر پاکستان کا شکریہ ادا کیا۔ انہوں نے کہا کہ ایس سی او کے اجلاس میں دونوں ممالک نے پاکستان اور تاجکستان کے باہمی تعاون کو فروغ دینے کے لئے مل کر کام جاری رکھنے کا عزم کیا۔

لاہور: وزیراعلی پنجاب مریم نواز  نے پاکستان تحریک انصاف کو ایک دفعہ پھر دہشت گرد جماعت قرار دےدیا، انہوں نے کہا کہ  تحریک انصاف نے نجی کالج کے واقعے پر ملک میں انتشار پھیلانے کی بھرپور کوشش کی۔
وزیر اعلی پنجاب مریم نواز نے لاہور میں پریس کانفرنس کرتے ہوئے کہا جس روز بچی کے ساتھ مبینہ زیادتی  کا واقع رپورٹ ہوا تو  ابتدائی تحقیقات کے مطابق اس روز بچی کالج میں تھی ہی نہیں، انہوں نے کہا کہ الزام لگایا گیا اس واقعے کی سی سی ٹی وی فوٹیج ہٹا دی گئیں  ہےاس میں کوئی صداقت نہیں اورنہ ہی اس واقعے کا کوئی عینی شاہد ہے کیوںکہ ایسا کوئی واقع پیش  ہی نہیں آیا ۔
مریم نواز کا کہنا تھا کہ جس بچی کا نام اور تصویر شئیر کی جا رہی ہے وہ بچی  2 اکتوبر سے ہسپتال میں زیر علاج ہے،اور جس سیکیورٹی  گارڈ پر الزام عائد کیا گیا اسکو گرفتار کر کے تفتیش کی ہے مگر ایساکوئی واقع سامنے نہیں آیا۔
وزیر اعلی پنجاب کامزید کہنا تھا کہ تحریک اںصاف اس واقعے کی آڑمیں ملک میں انتشار پھیلانے کی بھرپور کوشش کر رہی ہے ، سوشل میڈیا پلیٹ فارمز  پر ایسے واقعے کو لے کر انتشار پھیلانے کی کوشش کی جارہی ہے  جوکہ ہوا ہی نہیں،تحریک انصاف نے احتجاج اور دھرنوں میں ناکامی کے بعد اس من گھڑت واقعے کا سہارا لے کر لوگوں کو گمراہ کرنےکی کوشش کی ہے۔
اس موقع پر وزیر اعلی مریم نوازکا کہنا تھا تحریک انصاف نے دنیا کو پاکستان کا جو چہرہ دکھانے کی کوشش کی میں ان سےکہنا چاہتی ہو کہ پاکستان صرف ہمارا ہی نہیں بلکہ آپ سب کا ہے،ان کا مزید کہنا تھا کہ اس واقعے میں ملوث ٓافراد چاہے وہ میڈیا سے ہو یا تحریک انصاف سے ان کے خلاف کارروائی کا حکم دے دیا ہے۔ 
مریم نواز کا مزید کہنا تھا کہ صوبائی وزیر تعلیم کو کالج کی رجسٹریشن کینسل نہیں کرنی چاہیے تھی کسی کے ساتھ نا انصافی نہیں برتنی چاہیے۔ مگر جو اس واقعے میں ملوث ہیں انکے خلاف ہر صورت کارروائی ہونی چاہیے۔

ملک میں سونے کی قیمت تاریخ کی بلند ترین سطح پر پہنچ گئی، جہاں سونے کی فی تولہ قیمت میں 2200 روپے کا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق، سونے کی فی تولہ قیمت 2200 روپے بڑھ کر 2 لاکھ 77 ہزار 200 روپے ہو گئی ہے۔

اسی طرح، ملک میں 10 گرام سونے کی قیمت بھی 1886 روپے اضافے کے ساتھ 2 لاکھ 37 ہزار 654 روپے تک پہنچ گئی ہے۔

ایسوسی ایشن کے مطابق، عالمی صرافہ مارکیٹ میں بھی سونے کی قیمت میں اضافہ دیکھا گیا ہے، جہاں سونے کی قیمت 22 ڈالرز کے اضافے کے بعد 2 ہزار 675 ڈالرز فی اونس ہو گئی۔

سونے کی عالمی اور مقامی مارکیٹوں میں قیمت بڑھنے کے برعکس فی تولہ چاندی کی قیمت بغیر کسی تبدیلی کے 3050روپے مستحکم رہی۔ اسی طرح فی 10 گرام چاندی کی قیمت بھی بغیر کسی تبدیلی کے 2614.88 روپے کی سطح پر مستحکم ہے۔

یہ قیمتیں ملک کی معیشت اور سرمایہ کاری کے ماحول پر اثر انداز ہو سکتی ہیں، اور سونے کے بڑھتے ہوئے بھاؤ نے خریداروں اور سرمایہ کاروں میں تشویش پیدا کر دی ہے۔ سونے کی بڑھتی ہوئی قیمتیں ممکنہ طور پر مہنگائی اور دیگر اقتصادی عوامل کا نتیجہ ہیں، جس نے عوام کی قوت خرید پر اثر ڈالا ہے۔