حماس نے یحییٰ السنوار کے اسرائیلی حملے میں شہادت کی تصدیق کردی 

یحیٰی سنوار اسرائیلی حملے میں شہید، حماس نے تصدیق کردی 

گزشتہ روز اسرائیل کی جانب سے دعوی کیا گیا تھا کہ انہوں نے غزہ میں ایک کارروائی کے دوران حماس کے نئے سربراہ یحییٰ سنوار کو شہید کر دیا ہے تا ہم اب حماس کے ذرائع نے اپنے جاری کیے گئے بیان میں ان کی شہادت کی تصدیق کر دی ہے۔

تفصیلات کے مطابق حماس کا کہنا ہےکہ یحییٰ سنوار کو اسرائیلی فورسز نے رفاہ میں حملے کے دوران شہید کیا ہے۔ اسماعیل ہانیہ کے بیٹے نے حماس کے نئے سربراہ یحییٰ سنوار کی شہادت کی تصدیق کر دی ہے۔

اسرائیلی وزیراعظم نیتن یاہو نے یحییٰ سنوار  کی شہادت پر ردوعمل دیتے ہوئے کہا کہ حماس کے خاتمے تک غزہ میں جنگ جاری رکھیں گے، یحییٰ سنوار کی ہلاکت حماس کے خاتمے کے لیے ایک اہم سنگ میل ہے جبکہ امریکی صدر جوبائیڈن اور نائب صدر کملا ہیرس نے اس موقعے پر اسرائیل کو مبارک دی،

اس موقعے پر امریکی صدر جو بائیڈن کا کہنا تھا کہ یحییٰ سنوار کی ہلاکت سے اسرائیل اور فلسطین کے درمیان جاری کشیدگی میں کمی اور  سیاسی حل میں پیشرفت ہو گی۔

اس حوالے سے اقوام متحدہ میں ایرانی مندوب نےکہا کہ سنوار کی شہادت سے ’مقبوضہ علاقوں کو آزاد کرانے کے لیے مزاحمت کے جذبے کو تقویت ملے گی، ان کا مزید کہنا تھا کہ سنوار نوجوانوں اور بچوں کے لیے ایک مثال بنیں گے اور جب تک قبضہ اور جارحیت جاری رہے گی، مزاحمت بھی جاری رہے گی۔

واضح رہے کہ حماس نے اسماعیل ہانیہ کی ایران میں شہادت کے بعد یحییٰ سنوار کو اگست میں حماس کا نیا سربراہ منتخب کیا تھا