مخصوص نشستوں کا معاملہ، سپریم کورٹ نے دوسری دفعہ وضاحت جاری کر دی۔
مخصوص نشستوں کے حوالے سے سپریم کورٹ کے 8 ججوں نے الیکشن کیمشن کی درخواست پر دوسری دفعہ وضاحت جاری کرتے ہوئے کہا کہ الیکشن ایکٹ ماضی سے لاگوں نہیں ہو گا۔
اسلام آباد سپریم کورٹ نے مخصوص نشستوں کے فیصلے پر ایک دفعہ پھر وضاحت جاری کر دی، سپریم کورٹ کے 8 اکثریتی ججوں نے الیکشن کمیشن کی درخواست پر وضاحت کرتے ہوئے کہا کہ الیکشن ایکٹ میں ترمیم اور ماضی سے اطلاق کر کے سپریم کورٹ کے اکثریتی فیصلے کو ختم نہیں کیا جا سکتا،سپریم کے ججوں نے وضاحت جاری کرتے ہوئے کہا کہ الیکشن کمیشن کو سپریم کورٹ کے 12 جولائی کے فیصلے پر عمل کرتے ہوئے مخصوص نشستیں تحریک انصاف کو دینا ہو گی
الیکشن کمیشن کی درخواست پر سپریم کورٹ کے 8 ججز نے وضاحت جاری کرتے ہوئے کہا کہ الیکشن ایکٹ میں ترمیم کا اطلاق ماضی سے نہیں ہو گا سپریم کورٹ کے ججز کا  مزید کہنا تھا کہ الیکشن کمیشن، الیکشن ایکٹ میں ترمیم کو جواز بناکر سپریم کورٹ کے اکثریتی فیصلے سے انحراف نہیں کر سکتا۔
واضح رہے کہ سپریم کورٹ نے اپنے 12 جولائی کے اکثریتی فیصلے میں  کہا تھا کہ مخصوص نشستیں تحریک انصاف کی ہے اور الیکشن کمیشن کو پابند کیا گیا تھا کہ وہ یہ نشستیں تحریک انصاف کو دے، جس پر الیکشن کمیشن نے الیکشن ایکٹ میں ترمیم کو جوازبنا کر سپریم کورٹ سے وضاحت طلب کی تھی تاہم آج سپریم کورٹ نے الیکشن کمیشن کی درخواست پر دوسری مرتبہ وضاحت جاری کرتے ہوئے کہا کہ الیکشن کمیشن تحریک انصاف کو مخصوص نشستیں دینے کا پابند ہے۔

وومن ٹی ٹوئنٹی ورلڈ کپ،جنوبی افریقہ نے سیمی فائنل میں آسٹریلیا کو شکست دے دی۔
دبئی میں کھیلے گئے پہلے سیمی فائنل میں جنوبی افریقہ نے آسٹریلیا کو باآسانی 8 وکٹوں سے شکست دے کر فائنل کے لیے کوالیفائی کر لیا
تفصیلات کے مطابق یواے ای میں جاری خواتین کے عالمی ٹی ٹوئنٹی ورلڈ کپ میں جنوبی افریقہ نے پہلے سیمی فائنل میں آسٹریلیا کو ہرا کر فائنل کے لیے کوالیفائی کر لیا۔
آسٹریلوی ٹیم نے پہلے بلے بازی کرتے ہوئے 5وکٹوں کے نقصان پر 134 رنز بنائے۔آسٹریلیا کی طرف سے بیتھ مونے نے 42 ایلس پیری نے 31 جبکہ تہلیا میکگراتھ نے 27 رنز کی اننگ کھیلی۔
ہدف کے تعاقب میں جنوبی افریقہ کی ٹیم نے باآسانی 135 رنز کا ہدف پورا کر لیا، جنوبی افریقہ کی طرف سے عینکے بوسچ نے 74 رنز کی شاندار اننگ کھیلی اور وہ  ناٹ آوٹ رہی، جبکہ لیورا والاردت نے 42 رنز کی اننگ کھیلی،عینکے بوسچ کو 74 رنز کی شاندار اننگ کھیلنے پر مین آف دا میچ سے بھی نوازا گیا۔
وومن ٹی ٹوئنٹی ورلڈ کپ کا دوسرا سیمی فائنل آج ویسٹ انڈیز اور نیوزی لینڈ کے درمیان کھیلا جائے گا۔

پاکستان میں سونے کی قیمت میں مسلسل تیسرے روز بڑا اضافہ، سونا ملکی تاریخ کی بلند ترین سطح پر ہے۔

آل پاکستان جیمز اینڈ جیولر ایسوسی ایشن کے مطابق ملک بھر میں سونے کی فی تولہ قیمت میں 3 ہزار روپے کا اضافہ ہوا جس کے بعد سونا 2 لاکھ 80 ہزار 900 روپے کا ہوگیا ہے۔

اسی طرح 10 گرام سونا 2 ہزار 572 روپے اضافے کے بعد 2 لاکھ 40 ہزار 826 روپے میں فروخت ہورہا ہے۔

دوسری جانب عالمی مارکیٹ میں سونے کا بھاؤ 30 ڈالر اضافے کے بعد 2712 ڈالر فی اونس ہے۔