عمران خان کا ذاتی معالج تک رسائی کے لیے عدالت سے رجوع کرلیا۔

اسلام آباد ہائی کورٹ میں درخواست بیرسٹر سلمان صفدر اور خالد یوسف چوہدری کے ذریعے دائر کی گئی۔درخواست میں عبوری ریلیف کی بھی استدعا کی گئی۔

اسلام آباد: بانی تحریک انصاف عمران خان نے ذاتی معالجین سے معائنے کے لیے اسلام آباد ہائیکورٹ میں درخوست دائر کردی۔کہ عمران خان کو  ڈاکٹر عاصم یوسف، ڈاکٹر ثمینہ نیازی اور ای این ٹی ڈاکٹر کو فوری معائنے کی اجازت دی جائے۔

درخواست کے مطابق بانی  پی ٹی آئی کے ذاتی معالج ڈاکٹر عاصم کو پندرہ اکتوبر 2024 سے رسائی نہیں دی گئی، درخواست  میں مزید استدا کی گئی کے عمران خان اس ملک کے سابق وزیراعظم اور کپتان ہے ان کے معائنے کے لیے ڈاکٹر عاصم اور دیگرکو اجازت دی جائے۔متفرق درخواست میں عبوری ریلیف کی استدعا بھی شامل ہے۔

ملک میں سونے کی بڑھتی قیمتوں سے متوسط طبقہ پریشانی سے دوچار ہے،  قیمتوں میں مسلسل اضافے کے بعد سونا ملکی تاریخ کی بلند ترین سطح پر پہنچ گیا۔

آل پاکستان جیمز اینڈ جیولر ایسوسی ایشن کے مطابق ملک میں سونے کی فی تولہ قیمت میں آج 500 روپے کا اضافہ ہوا ہے جس کے بعد فی تولہ قیمت 2 لاکھ 82 ہزار 300 روپے ہوگئی ہے۔

اس کے علاوہ 10 گرام سونے کا بھاؤ 429 روپے بڑھ کر 2 لاکھ 42 ہزار 27 روپے ہے۔

عالمی بازار میں سونے کا بھاؤ 5 ڈالر اضافے سے 2726 ڈالر فی اونس ہے۔

امریکا کی  ریاست ہیوسٹن میں ہیلی کاپٹر ریڈیو ٹاور سے ٹکرانے کے بعد تباہ ہو گیا جس کے نتیجے میں بچے سمیت 4 افراد جھلس کر ہلاک ہو گئے۔

امریکی میڈیا کے مطابق یہ افسوسناک واقعہ ہیوسٹن میں پیش آیا جہاں ایک نجی ہیلی کاپٹر پرواز کے دوران ریڈیو ٹاور سے ٹکراگیا اور اس میں خوفناک آگ بھڑک اُٹھی جس کے نتیجے میں پیش آنے والے حادثے میں چار افراد جانبحق ہوئے۔حکام کے مطابق حادثے کا شکار ہونے والے ہیلی کاپٹر نے ایلنگٹن فیلڈ سے پرواز بھری تھی۔

مقامی پولیس کا کہنا ہے کہ ایلنگٹن فیلڈ سے پرواز بھرنے والے ہیلی کاپٹر کی منزل کا پتا نہیں چل سکا۔ خوش قسمتی سے جہاں ہیلی کاپٹر گرا وہاں کوئی اور جانی و مالی نقصان نہیں ہوا۔

پولیس  کے مطابق حادثے کا شکار ہونے والا ہیلی کاپٹر پرائیویٹ تھا اور ہیلی کاپٹر کے ٹکرانے کے باعث ریڈیو ٹاور گر کر تباہ ہو گیا جس سے گارڈن کی گھاس میں شدید نوعیت کی آگ بھڑک اٹھی۔

ترجمان پولیس کا کہنا تھا کہ  حادثے میں ہلاک ہونے والے افراد کی شناخت اہل خانہ سے اجازت کے بعد جاری کی جائیں گی۔