راجن پور میں دوگروپوں میں تصادم ، 12 افراد زخمی

تفصیلات کے مطابق یہ واقعہ راجن پور کے نواحی علاقے   تھانہ محمد پور دیوان کی حدود نصیر پور میں ببر اور سرلہ برادری کے درمیان  تکرار  ، تصادم کی شکل اختیار کرگئی  ۔ سرلہ برادری نے ببر برادری کے گھرمیں گھس کر حملہ کردیا جبکہ دونوں پارٹیوں کی جانب سے اینٹوں اور  ڈنڈوں کا آزادانہ استعمال کیا گیا ۔ واقعے کی اطلاع ملتے ہی پولیس تھانہ محمد پوردیوان کی بھاری نفری موقع پر پہنچ گئی۔

ترجمان پولیس  کے مطابق  دونوں پارٹیاں قریبی ہمسائے ہیں معمولی توتکرار کے بعد معاملہ شدت اختیار کرگیا، تصادم کے نتیجے میں دونوں پارٹیوں کے 12افراد زخمی ہوئے ہیں ۔پولیس کے مطابق زخمیوں کو محمد پوردیوان ہسپتال منتقل کردیاگیاہے۔ پولیس  کی جانب سے مقدمہ درج کر لیا گیا ہے جبکہ ملزموں کی گرفتاری کیلئے چھاپے  مارے جارہے ہیں ۔