وزیر تعلیم بلوچستان نے مستعفی ہونے کا اعلان کردیا

تفصیلات کے مطابق پی ٹی آئی رہنما کے وزیراعلیٰ بلوچستان جام کمال سے اختلاف چل رہے ہیں ۔ یار محمد رند نے اس بات کی طرف بھی اشارہ دیا کہ وہ اپنے سیاسی دوستوں اور حلقے کے عوام سے مشاورت کے بعد پی ٹی ائی چھوڑنے سے متعلق فیصلہ کریں گے ۔

مزید پڑھیں : سکولوں میں سکینڈ شفٹ شروع کرنے کا فیصلہ

انہوں نے کہا کہ " میں استعفیٰ دیتا ہوں کیونکہ کابینہ کی میرے لیے کوئی اہمیت نہیں ہے ، میرا ضمیر مجھے اجازت نہیں دے رہا کہ میں مزید جام کمال کی زیر قیادت کا بینہ کا حصہ رہوں "۔ ان کا کہناتھاکہ وہ صوبے کے مفاد میں کیے جانے والے کاموں میں حکومت کی حمایت جاری رکھیں گے ۔ لیکن اگر حکومت نے بلوچستان کے حقوق پر سمجھوتہ کیا تو وہ اس کی بھرپور مخالفت کریں گے ۔

مزید پڑھیں : صارفین کیلئے خوشخبری ، واٹس ایپ کا نیا فیچرمتعارف

یار محمد رند  استعفیٰ دینے والے دوسرے وزیر ہیں ۔گزشتہ ماہ وزیربلدیات سردار محمد صالح بھوتانی نے وزیراعلیٰ سے اختلافات کے باعث کابینہ سے استعفیٰ دے دیا تھا ۔