پاکستان،چین دوستی کو آئندہ نسلوں کیلئے مزید مضبوط بنانا ہو گا،وزیراعظم

وزیراعظم شہباز شریف نے کہا ہے کہ پاکستان اور چین کے درمیان پائیدار دوستی کو مزید مضبوط بنانا ہم سب کی مشترکہ ذمہ داری ہے تاکہ آنے والی نسلوں کو وہ رشتہ ورثے میں ملے جو ہمارے بانی رہنماؤں کی سوچ سے بھی زیادہ مضبوط ہو۔

وہ بیجنگ میں پاکستان اور چین کے سفارتی تعلقات کے قیام کے 75 سال مکمل ہونے کی تقریبات کے سلسلے میں منعقدہ ایک تقریب سے خطاب کر رہے تھے۔

وزیراعظم نے کہا کہ پاک چین تعلقات ایک ایسے اعلی مقام پر پہنچ چکے ہیں جس کی مثال دنیا میں کہیں نہیں ملتی۔

انہوں نے کہا کہ پاک ، چین دوستی ایک ایسا سایہ دار درخت ہے جس کی جڑیں انتہائی مضبوط ہیں اور اس کا پھل نہایت شیریں ہے۔ انہوں نے کہا کہ ہم دونوں ممالک کی دوستی کے بہترین دور سے گزر رہے ہیں۔