پی آئی اے کی تباہی کی ذمہ دار گذشتہ حکومت ہے ، نواز شریف

قائد مسلم لیگ ن نواز شریف نے کہا ہے کہ پی آئی اے کو گزشتہ حکومت نے تباہ کیا۔

قائد مسلم لیگ ن نواز شریف نے اپنے جاری کردہ ایک بیان میں کہا کہ مجھے زیادہ نہ چھیڑیں، ہم نے بہت صبر سے کام لیا ہے، ہم پر جو گزری بہت صبر سے برداشت کیا ہے۔

انہوں نے کہا کہ ہمارے آئینی اداروں نے ہی آئین اور ملک کا ستیاناس کیا ہے، ہمارے لوگ ٹانگیں کھینچنے کے ماہر ہیں، جواچھا کام کرتا ہے اس کے خلاف سازشیں کرتے ہیں۔

نواز شریف نے کہا کہ آج پاکستان میں بےروزگاری نام کی کوئی چیز نہ ہوتی، پاکستان بہت خوشحال ہوتا، ایشین ٹائیگر بن چکا ہوتا۔

ان کا کہنا تھا کہ اللہ کا شکر ہے ان سازشوں کا آہستہ آہستہ سدباب کررہے ہیں، 2016 میں ترقی کا تسلسل چل رہا ہوتا تو ملک کا آج یہ حال نہ ہوتا۔