ملک میں بیرونی سرمایہ کاری کا فروغ اولین ترجیح ہے،وزیر اعظم

وزیراعظم شہباز شریف نے کہا ہے کہ ملک میں بیرونی سرمایہ کاری کا فروغ ہماری اولین ترجیح ہے۔

وزیر اعظم شہباز شریف نے  لاہور میں برطانیہ کی بااثر اور معروف کاروباری شخصیات کے وفد سے ملاقات کی،وزیر اعظم شہبازنے برطانوی وفد سے بات چیت کرتے ہوئے کہا کہ ملک میں بیرونی سرمایہ کاری کا فروغ حکومت کی اولین ترجیح ہے۔

ملاقات میں پاکستان اور برطانیہ کے درمیان بزنس ٹو بزنس تعلقات کو مزید بہتر بنانے کے حوالے سے تبادلہ خیال کیا گیا۔

 اس موقع پر وزیر اعظم کا کہنا تھا کہ انہوں نے کاروباری اور تاجر حضرات  کو خصوصی سرمایہ کاری سہولت کونسل کے ون ونڈو آپریشن کے ذریعے بہترین سہولیات فراہم کی جا رہی ہیں۔

ملاقات میں برطانوی  وفد نے ملکی معیشت کے استحکام اور پائیدار ترقی کی راہ پر گامزن ہونے پر وزیر اعظم کی معاشی پالیسیوں کی تعریف کی اور اعتماد کا اظہار کیا۔