مالاکنڈ: راستے کے تنازعہ پر فائرنگ سے 5 افراد جاں بحق

خیبرپختونخوا کے ضلع مالاکنڈ کے علاقے بٹ خیلہ میں راستے کے تنازعہ پر تصادم میں 5 افراد جاں بحق اور 2 زخمی ہو گئے۔

پولیس کا کہنا ہے کہ واقعہ ہمسایوں کے مابین راستے کے تنازعہ پر پیش آیا جو کہ دونوں فریقین کے درمیان ایک سال سے جاری تھا،فائرنگ کے بعد ملزمان  فرار ہونے میں کامیاب ہو گئے۔

پولیس کے مطابق جاں بحق ہونے والے افراد کی شناخت افتخار،محمد رشید ،منان،عبد الکبیر خان،اور رشید خان کے نام سے ہوئی ہے۔

 پولیس  کا کہنا ہے کہ لاشوں اور زخمیوں کو اسپتال منتقل کردیا گیا ہے،اور واقعے کی مزید تحقیقات شروع کردی  ہیں جبکہ علاقے میں سرچ آپریشن بھی جاری ہے۔