صوابی جلسے میں امریکی جھنڈا لہرانا جعلی حکومت کا سوچا سمجھا منصوبہ ہے، بیرسٹر سیف

مشیر اطلاعات بیرسٹر سیف نے پی ٹی آئی کے صوابی جلسے میں امریکی جھنڈا لہرانے پر اسے جعلی حکومت کا سوچا سمجھا منصوبہ قرار دے دیا۔

سوشل میڈیا پلیٹ فارم ایکس پر اپنے ٹویٹ میں مشیر اطلاعات خیبر پختونخوا بیرسٹر سیف نے کہا کہ صوابی کے جلسے میں پی ٹی آئی کے ایک کارکن نے امریکی جھنڈا لہرانے کی کوشش کی تھی جس پر قریب موجود دیگر کارکنان نے اسے امریکی جھنڈا لہرانے سے منع کیا اور جھنڈا نیچے کرنے کیلئے آوازیں بھی دیں۔مگر پی ٹی آئی کارکن جھنڈا ہاتھ میں لئے کھڑا رہا اور لہراتا رہا تاہم قریب موجود کارکنان نے اس سے امریکی جھنڈا کھینچ لیا۔

صوابی جلسے میں امریکی جھنڈا لہرانا جعلی حکومت کا سوچا سمجھا منصوبہ ہے، امریکی جھنڈا جعلی حکومت کے کارندوں نے سازش کے تحت لہرایا ہے، جعلی حکومت اس قسم کے اوچھے ہتھکنڈوں کے ماہر ہے، اس قسم کی حرکتوں سے جعلی حکومت @ImranKhanPTI کو عوام کے دلوں سے نہیں نکال سکتے ہیں، واقعہ کی تحقیقات… pic.twitter.com/FiVRipc7tw

— Barrister Dr Muhammad Ali Saif (@BaristerDrSaif) November 11, 2024

اس واقعہ پر بیرسٹر سیف کا کہنا ہے کہ جعلی حکومت اس قسم کے اوچھے ہتھکنڈوں کی ماہر ہے اس قسم کی حرکتوں سے جعلی حکومت بانی پی ٹی آئی کو عوام کے دلوں سے نہیں نکال سکتی۔

بیرسٹر سیف کا مزید کہنا ہے کہ وزیراعلی نے واقعہ پر برہمی کا اظہار کیا ہے۔ جھنڈا جعلی حکومت کے کارندوں نے سازش کے تحت لہرایا۔ جھنڈا لہرانے والے کے خلاف کاروائی کی جائیگی۔ پی ٹی آئی جلسے میں امریکی جھنڈا لہرانا مسترد کرتی ہے۔