معروف گلوکار اے نئیر کو مداحوں سے بچھڑے 8 برس بیت گئے

معروف پلے بیک سنگر اے نئیر کو مداحوں سے بچھڑے 8 برس بیت گئے۔

 اے نیر 17 ستمبر 1950ء کوساہیوال کے قصبے رانسن آباد میں ایک مسیحی خاندان میں پیدا ہوئے، ان کا اصل نام آرتھر نیر تھا،مگرفن کی دنیا میں انھوں نے اے نیّر کے نام سے شہرت پائی۔

1974 میں "بہشت" فلم سے اپنے کیریئر کا آغاز کیا اور پھر  دیکھتے ہی دیکھتے اپنی میٹھی اور سریلی آواز سے لوگوں کے دلوں میں جگہ بنائی۔اے نئیر نے 4 ہزار فلمی گیت ریکارڈ کرائے، ان کے گائے گئے گیت فلم کی کامیابی کی ضمانت سمجھے جاتے تھے،فلمسٹار شاہد، ندیم اور وحید مراد پر فلمائے گئے  اے نئیر کے گیت عوام میں بہت  مقبول ہوئے۔

اے نئیر احمد رشدی کو وہ پلے بیک گلوکاری میں اپنا استاد مانتے ہیں،انہوں نے اپنی زندگی میں موسیقی کی دنیا میں وہ مقام حاصل کیا جو بہت کم لوگوں کے نصیب میں آتا ہے

اے نئیر نے نہ صرف فلمی موسیقی بلکہ ٹی وی اور ریڈیو کے ذریعے بھی اپنے فن کا لوہا منوایا، انکی سحر خیز آواز  نے کئی نسلوں کو اپنا دیوانہ بنائے رکھا۔

 گلوکار اے نئیر کو حکومت نے پرائیڈ آف پرفارمنس سے نوازا، وہ 11 نومبر 2016 کو دل کا دورہ پڑنے سے دنیائے فانی سے کوچ کرگئے لیکن اے نیر ہماری موسیقی کی دنیا کا ایک ایسا ستارہ ہیں جو کبھی غروب نہ ہوگا۔