سوات:موسم سرما  کی پہلی برفباری،پہاڑوں نے سفیدی کی چادر اوڑھ لی

سوات کے پہاڑی علاقوں میں موسمِ سرما کی پہلی برف باری سے اشو، مٹلتان، کالام، گبرال کے پہاڑوں نے سفیدی  کا لبادہ اوڑھ لیا۔

کالام کے پہاڑوں پر ہلکی ہلکی  برفباری سے موسم سرد ہوگیا جس سے شہریوں نے گرم ملبوسات کا استعمال شروع کردیا۔

جبکہ سوات کے میدانی علاقوں میں بارش کا سلسلہ بدستور جاری ہے۔

محکمہ موسمیات کے مطابق سوات میں مزید  24 گھنٹوں تک مختلف علاقوں میں بارش اور برف باری جاری رہنے کا امکان ہے۔