معروف بھارتی گلوکار اور موسیقار اے آر رحمان کی اہلیہ نے  شادی کے 29سال بعد علیحدگی کا اعلان کردیا، جس پر اے آر رحمان نے اپنا جذباتی اور دل شکستہ بیان جاری کر دیا ہے۔
اے آر رحمان نے اپنے ایکس اکاؤنٹ پر طلاق کے حوالے  پیغام جاری  کرتے ہوئے لکھا کہ  'ہم نے شادی کے 30 برس تک پہنچنے کی امید کی تھی لیکن دنیا میں ہر چیز کا اختتام ہے جو کسی نے نہیں دیکھا،  ٹوٹے ہوئے دلوں کے بوجھ سے خدا کا تخت بھی کانپ سکتا ہے'۔
بھارتی گلوکار و موسیقار اے آر رحمان نے اپنے بیان میں مزید لکھا کہ   'اگرچہ اس مشکل وقت سے گزرنے کی کوشش کررہے ہیں،مگر بکھرے ہوئے ٹکڑے واپس نہیں جڑ سکتے، ہم اپنے دوست احباب کا شکریہ ادا کرتے ہیں جنہوں نے نیک خواہشات کا اظہار اور ہم سے ہمدردی کی اور ہماری پرائیویسی کا خیال رکھا ۔
واضح رہے کہ سائرہ کی وکیل وندنا شاہ نے جوڑے کے علیحدگی کے فیصلے کے حوالے سے بیان جاری کرتے ہوئے کہا تھا  کہ دونوں کے درمیان  تعلقات میں جذباتی مسائل اور اختلافات پیدا ہو چکے ہیں، جنہیں حل کرنا ممکن نہیں رہا۔
وکیل کی جانب سے جاری بیان میں مزید کہا گیاتھا کہ ایک دوسرے کے لیے گہری محبت کے باوجودجوڑے نے محسوس کیا کہ تلخی اور مشکلات کے باعث ان کے درمیان ایک ایسا فاصلہ پیدا ہو گیا ہے جسے اس وقت دونوں فریق ختم کرنے سے قاصر ہیں۔
واضح رہے کہ موسیقار اے آر رحمان اور سائرہ بانو کی شادی 1995 میں ہوئی تھی،اور ان کی اولاد میں دو  بیٹیاں خدیجہ، رحیمہ اور بیٹا امین شامل  ہیں .

اے آر رحمان کی علیحدگی کے بعد ان کی گٹارسٹ نے بھی اپنے شوہر سے طلاق کا اعلان کر دیا۔
معروف بھارتی موسیقار اور گلوکار اے آر رحمان اور سائرہ کی علیحدگی کے کچھ گھنٹے بعد ہی اے آر رحمان کے گروپ کی گٹارسٹ موہنی ڈے نے اپنے شوہر سے علیحدگی کا اعلان سوشل میڈیا پر کیا۔
موہنی ڈے اور ان کے شوہر مارک کی طرف سے جاری مشترکہ بیان میں کہا گیا کہ بھاری دل کے ساتھ، مارک اور میں یہ اعلان کرتے ہیں کہ ہم نے علیحدگی اختیار کر لی ہے، یہ ہمارا باہمی فیصلہ ہے،  ہم اب بھی اچھے دوست رہیں گے۔
کولکتہ سے تعلق رکھنے والی 29 سالہ موہنی ایک مشہور گٹارسٹ ہیں اور وہ موسیقار اے آر رحمان کے ساتھ دنیا بھر میں 40سے زائد شو میں پرفار م کر چکی ہیں۔
گٹارسٹ موہنی کی طلاق اے آر رحمان اور سائرہ بانو کی علیحدگی کے کچھ دیر بھی ہی سامنے آئی ہے، سوشل میڈیا صارفین کی جانب سے طرح طرح کے تبصرے دیکھنے کو مل رہے ہیں کچھ تو اس کو اے آر رحمان کے ساتھ جوڑ رہے ہیں جبکہ کچھ صارفین کا کہنا ہے کہ معاملہ کچھ تو گڑ بڑ ہے ۔ 

اسلام آباد ہائیکورٹ نے بانی پی ٹی آئی کی توشہ خانہ ٹوکیس میں ضمانت منظور کر لی۔

اسلام آباد ہائیکورٹ کے جسٹس میاں گل حسن اورنگزیب نے بانی پی ٹی آئی  اور بشریٰ بی بی کے خلاف توشہ خانہ ٹو کیس میں ضمانت کی درخواست پر سماعت کی، بانی پی ٹی آئی کی طرف سے  وکیل بیرسٹرسلمان صفدر، جبکہ کی ایف آئی اے کی طرف سے اسپیشل پراسیکوٹرز عمیر مجید ملک اور ذوالفقارعباس نقوی عدالت میں پیش ہوئے۔

عدالت نے بانی پی ٹی آئی  کی  10،10لاکھ روپے کے دو مچلکوں کے عوض ضمانت منظور کرتے ہوئے ان کی رہائی کا حکم دے دیا۔