روس کا یوکرین پر بین البراعظمی بیلسٹک میزائل سے حملہ

روس نے پہلی بار یوکرین پر  بین البراعظمی بیلسٹک میزائل سے حملہ کیا ہے۔
یوکرین کی فضائیہ کی جانب سے دعویٰ کیا گیا ہے کہ روس نے گزشتہ شب یوکرین پر کیے گئے بڑے میزائل حملے میں بین البراعظمی بیلسٹک میزائل استعمال کیا ہے۔ 
یوکرینی فضائیہ کا کہنا ہے روس کی جانب سے  جنوب مشرقی یوکرین کے شہر دنیپرو کو نشانہ بنایا گیا ہے، یوکرینی فضائیہ نے دعوی کیا کہ روس نے یہ بین البراعظمی بیلسٹک میزائل بحیرہ کیسپین کے قریب آسٹرخان کے علاقے سے داغا ہے۔
روس نے بین البراعظمی میزائلوں کا استعمال گزشتہ دو روز کے دوران یوکرین کی جانب سے امریکی اور برطانوی میزائلوں کے ذریعے روسی علاقوں میں حملے کے جانے کے ردعمل کے نتیجے میں سامنے آیا ہے، تاہم ابھی تک روس کی جانب سے ان میزائلوں کے استعمال کی تصدیق نہیں کی گئی۔
غیر ملکی میڈٰیا کے  مطابق عالمی دفاعی  ماہرین کا کہنا ہے کہ اگر یہ ثابت ہوجاتا ہے کہ روس نے یوکرین پر حملے میں بین البراعظمی میزائل استعمال کیا ہے تو یہ دنیا کی  جنگی تاریخ میں کسی بین البراعظمی میزائل کا پہلا استعمال ہوگا۔
یوکرین نے دعوی کیا ہے کہ روسی حملے میں کنزہل ہائپرسانک میزائل اور 7 کے ایچ 101 کروز میزائل بھی داغے جن میں سے 6 میزائلوں کو فضا میں ہی تباہ کردیا گیا۔
یوکرینی میڈیا کا کہنا ہے کہ روس کی جانب سے مبینہ طور پر آر ایس 26 بین البراعظمی بیلسٹک میزائل استعمال کیا گیا ہے ۔