پی ٹی آئی رہنماؤں کا جھوٹا بیانیہ مضحکہ خیز ہے ، اسحا ق ڈا ر

نائب وزیراعظم اسحاق ڈار نے کہا کہ پی ٹی آئی رہنماؤں کا جھوٹا بیانیہ مضحکہ خیز ہے۔

نائب وزیراعظم اسحاق ڈار نے سیکیورٹی فورسز کی فائرنگ سے ہلاکتوں کی کہاںیوں کو مسترد کرتے ہوئے کہا کہ اندھا دھند فائرنگ اور گولیوں سے زخموں کی کہانیاں بدنیتی پر مبنی اور سراسر جھوٹ ہیں۔

اسحاق ڈار نے یہ بھی کہا کہ ہجوم افراتفری پھیلانے اور قتل کرنے پر تُلا ہوا تھا، سیکیورٹی اور قانون نافذ کرنے والے اداروں نے صبر اور ضبط کا مظاہرہ کیا۔

اسحاق ڈار نے سوال کیا کہ مرنے والوں کی قبریں اور لاشیں کہاں ہیں؟ جبکہ نام نہاد مظاہرین بھاری اسلحہ اور آنسو گیس کے شیل لے کر آئے۔

نائب وزیراعظم نے مزید یہ بھی کہا کہ پی ٹی آئی کے رہنما  کارکنوں کو چھوڑ کر اب ریاستی بربریت کے جھوٹ پر مبنی بیانیہ تیار کر رہے ہیں۔