پاکستان  نے زمبابوے کے خلاف پہلے ٹی  ٹوئنٹی میچ میں ٹاس جیت کر پہلے بیٹنگ  کرنے کا فیصلہ کیا ہے۔

دونوں ٹیمیں پاکستانی وقت کے مطابق شام ساڑھے چار بجے بلاوائیو میں مدمقابل آئیں گی، پاکستانی ٹیم کی قیادت سلمان علی آغا کریں گے۔

پلیئنگ الیون میں کپتان سلمان آغا کے علاوہ صائم ایوب، عمیر بن یوسف ، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔

واضح  رہے کہ اس سے قبل پاکستان نے 3 ون ڈے میچز کی سیریز میں 2 میچز میں فتح حاصل کرکے سیریز اپنے نام کی تھی۔

پاکستانی باڈی بلڈراحسن اسلم نے ایک اور انٹرنیشنل گولڈ میڈل جیت لیا۔

احسن اسلم نے تھائی لینڈ میں منعقدہ ایونٹ میں مینز فزیک میں گولڈ میڈل اپنے نام کیا، چیمپیئن شپ میں دنیا بھر سے 800 سے زائد ایتھلیٹس نے حصہ لیا، احسن اسلم کے مطابق وہ اپنی مدد آپ کے تحت بین الاقوامی مقابلوں میں حصہ لے رہے ہیں۔

واضح رہے کہ احسن اسلم   نے دو ماہ قبل امریکا میں گولڈ میڈل جیت کر قومی پرچم سربلند کیا تھا۔ 

ملک کے مختلف حصوں میں انٹرنیٹ پھر سست روی کا شکار ہوگیا جس کے سبب فیس بک، انسٹاگرام اور واٹس ایپ سمیت سوشل میڈیا سروسز بھی متاثر ہیں۔

رپعرٹس کے مطابق صارفین کو تصاویر، وائس نوٹ اور ویڈیوز اَپ لوڈنگ اور ڈاؤن لوڈنگ میں مشکلات کا سامنا ہے، صارفین وی پی اینز کے ذریعے سوشل میڈیا ایپلی کیشنز استعمال کرنے پر مجبور ہیں،

متعدد شہروں میں وی پی این کے ذریعے بھی صارفین کو سوشل میڈیا سروس تک رسائی مشکلات کا سامنا ہے۔

ذرائع کا کہنا ہے کہ فائر وال ٹیسٹنگ کے دوسرے مرحلے کی وجہ سے انٹرنیٹ سروس متاثر ہوئی ہے جبکہ رابطہ کرنے کے باوجود پی ٹی اے حکام سست انٹرنیٹ پر مؤقف دینے سے گریز کر رہے ہیں۔