سال 2024 میں پاکستانیوں نے کس یوٹیوبر  کو سب سے زیادہ دیکھا؟

مشہور ویڈیو شیئرنگ ایپ یوٹیوب کی جانب سے 2024 میں پاکستان کی ٹاپ ٹرینڈنگ ویڈیوز کی فہرست جاری کردی ہے۔

یوٹیوب نے پاکستان میں 2024 کی سب سے زیادہ مقبول ہونے والی ویڈیوز کی فہرست جاری کی ہے،اس سال کی فہرست تین کیٹگریز پر مشتمل ہے جن میں ٹاپ ٹرینڈنگ ویڈیوز، ٹاپ میوزک ویڈیوز اور ٹاپ کری ایٹرز شامل ہیں۔

2024 میں یوٹیوب کے استعمال میں نمایاں اضافہ دیکھنے میں آیا اور پاکستانی کری ایٹرز نے پہلے سے کہیں زیادہ کنٹنٹ اپ لوڈ کیا، گزشتہ سال مقامی کری ایٹرز کی جانب سے اپ لوڈ کیے جانے والے کنٹنٹ کے کل گھنٹوں میں 60 فیصد اضافہ ہوا۔

 سال 2024 میں انٹرٹینمنٹ کا شعبہ سب سے آگے رہا جس میں ڈرامے اور ایکشن سے بھرپور فلمیں ٹاپ ٹرینڈنگ ویڈیوز کی فہرست میں سب سے اوپر ہیں۔

فہرست میں رجب کی فیملی کا پہلا نمبر ہے ان کے بعد  انایا ایشال فیملی،  ارشد ریلز، یو آر کرسٹیانو،  ڈکی بھائی، سسٹرولوجی، چھوٹا علی وی لاگ،  ڈاکٹر امتیاز احمد،  شیراز ولیج وی لاگ اور فاطمہ فیصل شامل ہیں۔