دوسرا ٹی20:شاہینوں  کا پروٹیز کے خلاف ٹاس جیت بیٹنگ کرنےکا فیصلہ

سینچورین: دوسرے ٹی 20 میچ میں پاکستان کرکٹ ٹیم کے کپتان محمد رضوان نے ٹاس جیت کر میزبان ٹیم کے خلاف پہلے بیٹنگ کرنے کا فیصلہ کیا ہے۔

اس موقع پر کپتان محمد رضوان نے گفتگو کرتے ہوئے  کہا کہ آج کےمیچ میں اچھا پرفارم کرنے کی کوشش کریں گے،ہماری کوشش ہوگی پچھلےمیچ کی غلطیوں کونہ دہرائیں۔

دوسرے ٹی 20 میچ کے لیے قومی ٹیم میں ایک تبدیلی کی گئی ہے، اسپنر سفیان مقیم کی جگہ فاسٹ بولر جہانداد خان کو شامل کیا گیا ہے۔

ٹیم میں محمد رضوان (کپتان)، بابر اعظم، صائم ایوب، عثمان خان، طیب طاہر، عرفان خان، عباس آفریدی، شاہین شاہ آفریدی، جہانداد خان، حارث روف اور ابرار احمد شامل ہیں۔

واضح رہے کہ سیریز میں جنوبی افریقا کو ایک ،صفر کی برتری حاصل ہے، جنوبی افریقہ نے پہلے ٹی ٹوئنٹی میچ میں پاکستان کوسنسی خیز مقابلے کے بعد 11 رنز سے شکست دی تھی۔