کالعدم ٹی ٹی پی افغانستان سے کام کر رہی ہے، افغانستان کو کالعدم ٹی ٹی پی کیخلاف کارروائی کرنا ہوگی،شہباز شریف
افغان سرزمین سے کسی صورت دہشت گردی قبول نہیں، پاکستان کی سالمیت کے بھرپور دفاع کا حق رکھتے ہیں،وزیر اعظم


اسلام آباد:وزیراعظم شہباز شریف نے کہا ہے کہا کہ پاکستان کی خواہش ہے افغانستان کے ساتھ تعلقات بہتر ہوں، کالعدم ٹی ٹی پی افغانستان سے کام کر رہی ہے، افغانستان کو کالعدم ٹی ٹی پی کیخلاف کارروائی کرنا ہوگی۔
کابینہ اجلاس میں وزیراعظم نے اظہار خیال کرتے ہوئے کہا کہ ہماری افغانستان کے ساتھ ہزاروں کلو میٹر کی سرحد ہے، آج بھی افغانستان سے کالعدم ٹی ٹی پی آپریٹ کررہی ہے،افغانستان سے پاکستان میں شہریوں کو شہید کیا جا رہاہے،انہوںنے مزید کہا کہ بہتر تعلقات اور ٹی ٹی پی کو کھلی چھوٹ بیک وقت ممکن نہیں، افغان سرزمین سے کسی صورت دہشت گردی قبول نہیں، پاکستان کی سالمیت کے بھرپور دفاع کا حق رکھتے ہیں۔
وزیراعظم نے کہا کہ چند دن پہلے بہت بڑا حادثہ ہوا،ہمارے 16 ایف سی جوان شہید ہوئے، جنوبی وزیرستان میں کل ایک اور معرکہ ہوا جس میں خوارجیوں کو جہنم واصل کیا گیا، ہمارے ایک میجر اور دوسرے جوان شہید ہوئے، افواج پاکستان دہشت گردی کے خلاف صف آراء ہیں، دہشتگردوں کا قلع قمع کریں گے۔
شہباز شریف نے کہا کہ پارا چنار میں ادویات کا معاملہ سامنے آیا، پارا چنار میں ہیلی کاپٹر کے ذریعے ادویات فراہم کی جا رہی ہیں، این ڈی ایم اے کے ذریعے پاراچنار ادویات پہنچائی گئی ہیں۔
وزیراعظم کا کہنا تھا کہ کل آذربائیجان کے صدر سے ٹیلیفون پر گفتگو ہوئی اور طیارہ حادثے پر اظہار ہمدردی کیا، آذربائیجان کے صدر پاکستان کے عوام سے محبت کرتے ہیں، آئندہ چند ماہ میں آذربائیجان کے ساتھ ہمارے معاشی روابط مضبوط ہوں گے۔
آئی سی سی چمپینز ٹرافی کے حوالے سے با ت کرتے ہوئے انہوں نے کہا کہ پاکستان میں آئی سی سی ایونٹ ہونے جا رہا ہے، پاکستان کے عوام کو ہائی کوالٹی کرکٹ دیکھنے کا موقع ملے گی، آئی سی سی چیمپئنز ٹرافی کیلئے پوری تیار کر لی گئی ہے، انشاءاللہ کرکٹ کے میدان میں ہمارے کھلاڑی بہترین صلاحیت لیکر سامنے آئیں گے۔
اس سے قبل بے نظیر بھٹو کی برسی پر وزیر اعظم شہباز شریف کا اپنے خصوصی پیغام میں کہنا ہےکہ بے نظیر بھٹو جمہوریت کی علمبردار اور سیاسی مکالمے اور مفاہمت کی مضبوط حامی رہیں۔
تفصیلا ت کے مطابق بےنظیر بھٹو کی برسی پر جاری کیے گئے پیغام میں شہباز شریف نے کہاکہ آج ہم شہید محترمہ بے نظیر بھٹو شہید کی 17ویں برسی منارہے ہیں۔
وزیر اعظم شہباز شریف نے کہاکہ بے نظیر بھٹو،ہمت اور استقامت کی علامت بنیں،میثاق جمہوریت بے نظیر بھٹو اور نواز شریف کی پائیدار سیاسی سمجھ بوجھ کا ثبوت ہے۔
شہباز شریف نے کہا کہ میں بے نظیر بھٹو شہید کے خاندان کو دل کی گہرائیوں سے خراج تحسین پیش کرتا ہوں،خاص طور پر صدر آصف زرداری اور بلاول بھٹو کو خراج تحسین پیش کرتاہوں۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 دن قبل
پہلے ایل پی جی اوراب بجلی بم گرا دیا گیا
- 11 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 11 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل



