پہلا ٹیسٹ:بارش کے باعث جنوبی افریقہ اور پاکستان کےدرمیان تیسرے روز کا کھیل تاخیر کا شکار

سنچورین: پاکستان اور جنوبی افریقہ کے درمیان پہلے ٹیسٹ کے تیسرے دن کا کھیل بارش کے باعث تاخیر کا شکار ہوگیا۔
سینچورین میں بارش کے باعث تیسرے دن کا کھیل شروع نہیں ہوسکا ہے۔ پچ اور سکور بورڈ کا احاطہ کیا گیا ہے۔
سنچورین میں کل رات موسلا دھار بارش ہوئی اور ہلکی بارش کا سلسلہ جاری ہے، جس کے باعث تیسرے روز کھیل کا آغاز نہیں ہو سکا۔
واضح رہے کہ پاکستان اپنی دوسری اننگز 88 رنز پر تین وکٹوں سے دوبارہ شروع کرے گا۔ پاکستان کو جنوبی افریقہ کی پہلی اننگز کی برتری ختم کرنے کے لیے دو رنز درکار ہیں۔
پاکستان نے اپنی پہلی اننگز میں 211 رنز بنائے تھے جس کے جواب میں جنوبی افریقہ کی ٹیم 301 رنز پر ڈھیر ہوگئی۔