پاک بحریہ کا سمندر میں کامیاب آپر یشن ، منشیات کی بڑی کھیپ برآمد

آئی ایس پی آر  کے مطابق پاک بحریہ  کی جانب سے بحریہ عر ب میں انسداد منشیات آپریشن   کرکے منشیات کی بڑی کھیپ ضبط  کر لی  گئی۔  

 پاک فوج کے شعبہ تعلقات عامہ (آئی ایس پی آر ) کے مطابق   نیول فضائی اثاثوں کی مدد سے پی این ایس معاون نے مشکوک کشتی پر بورڈنگ آپریشن کرکے منشیات قبضے میں لے لیں،  جو کشتی کے خفیہ خانوں میں چھپائی گئی تھیں ۔ 

آئی ایس پی آر کے مطابق  ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالر ہے ،منشیات کی یہ کھیپ سمندر کے راستے بین الاقوامی مقامات تک پہنچائی جا رہی تھی۔   

آئی ایس پی آر  کا کہنا ہے  پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئے ہمہ وقت سرگرم ہے۔