سپیکر قومی اسمبلی کا مذاکرات کیلئے انکے کردار پر سوالات اٹھانے پر رد عمل

اسپیکر قومی اسمبلی  سردار ایاز صادق   نے  مذاکرات کے حوالے سے انکے کردار پر سوالات اٹھانے پر افسوس کا اظہار  کرتے ہوئے باقاعدہ بیان جاری کردیا   ہے۔  

تفصیلات کے مطابق سپیکر قومی اسمبلی سپیکر ایاز صادق  نے اپنے بیان میں کہا ہے  بانی سے ملاقات نہ کروانے پر میرے بارے کردار ادا نہ کرنے پر تنقید کی جا رہی ہے، واضح کر دیتا ہوں کہ میرا کام حکومت اور اپوزیشن کے درمیان سہولت کاری کا ہے، بانی سے ملاقات کروانا انکا مینڈیٹ ہے نہ ہی ذمہ داری ہے، ایسے بیانات دینا کہ سپیکر آفس سے رابطے پر مثبت جواب نہیں ایا افسوسناک ہے، میرے دروازے سب کے لیے ہر وقت کھلے ہیں، میں نے کبھی کسی رکن قومی اسمبلی سے ملاقات سے انکار نہیں کیا سب ریکارڈ پر ہے ۔ 

انہوں نے کہا  میرے عہدے پر تنقید کرنے والے چاہتے ہیں کہ میں مذاکراتی عمل سے نکل جاوں تو وہ اس تجویز پر غور کے لیے تیار ہیں، بطور سپیکر پارلیمنٹ کی بالا دستی اور جمہوری روایات کی پاسداری کرتے ہوئے سہولت کار کا کردار نبھانے کی پوری کوشش کی ہے ۔

انہوں نے کہا کہ میرا بیرون ملک ہونے کا مطلب یہ نہیں کہ میں میٹنگ کا انتظام نہیں کر سکتا، جب حکومت اور اپوزیشن کہے گی تو میٹنگ کا اہتمام کر دوں گا ۔