ملالہ یوسفزئی ایجوکیشن سمٹ میں شرکت کے لیے پاکستان آرہی ہیں

نوبل انعام یافتہ ملالہ یوسفزئی مسلم کمیونٹیز میں لڑکیوں کی تعلیم سے متعلق ایک بین الاقوامی کانفرنس میں شرکت کے لیے پاکستان آرہی ہیں۔ دو روزہ کانفرنس 11 اور 12 جنوری کو اسلام آباد میں ہو رہی ہے۔

تقریب کا افتتاح پاکستان کے وزیر اعظم محمد شہباز شریف کریں گے۔ وہ لڑکیوں کی تعلیم اور صنفی مساوات کے فروغ کے لیے پاکستانی قوم کے عزم کا اعادہ کریں گے۔

کانفرنس کے منتظمین نے بھی ملالہ یوسف زئی نے کانفرنس میں اپنی شرکت کی تصدیق کی ہے اور وہ مسلم کمیونٹیز میں لڑکیوں کی تعلیم کی اہمیت کو اجاگر کرتے ہوئے ایک اہم خطاب کریں گی۔

پاکستان کے دفتر خارجہ کی طرف سے جاری ہونے والے ایک بیان میں کہا گیا ہے کہ ایجوکیشن سمٹ کا مقصد دنیا بھر میں مسلم کمیونٹیز میں لڑکیوں کی تعلیم کو آگے بڑھانے میں درپیش چیلنجز اور مواقع سے نمٹنا، بات چیت کو فروغ دینا اور چیلنجوں سے نمٹنے کے لیے قابل عمل حل تلاش کرنا ہے۔ کانفرنس اعلیٰ سطحی بات چیت اور تعاون کے لیے ایک مثالی پلیٹ فارم فراہم کرے گی۔

اس تقریب میں 44 مسلم اور دوست ممالک کے وزراء، سفیروں، اسکالرز اور ماہرین تعلیم، یونیسکو، یونیسیف اور ورلڈ بینک سمیت بین الاقوامی اداروں کے نمائندوں سمیت 150 سے زائد بین الاقوامی شخصیات کی شرکت متوقع ہے